కనీస వేతనాల అమలు: కార్మికులకు అవగాహన కల్పించిన బంగారు నర్సింగ్ రావు

కీసర, 2026-06-01

రాంపల్లి పారిశ్రామిక ప్రాంతంలో కార్మికులకు కరపత్రాలు పంపిణీ చేసిన కార్మిక నాయకుడు బంగారు నర్సింగ్ రావు, తెలంగాణ ప్రభుత్వం విడుదల చేసిన జీవో నంబర్–6 ప్రకారం 2026 జూన్ 1వ తేదీ నుంచి సవరించిన కనీస వేతనాలను తప్పనిసరిగా అమలు చేయాలని యాజమాన్యాలను డిమాండ్ చేశారు. కార్మికుల హక్కుల కోసం ఐక్యంగా నిలవాలని పిలుపునిచ్చారు.

మేడ్చల్–మల్కాజిగిరి జిల్లా, కీసర మండలం, రాంపల్లి పారిశ్రామిక ప్రాంతంలో తెలంగాణ ప్రభుత్వం విడుదల చేసిన జీవో నంబర్–6 ప్రకారం 2026 జూన్ 1వ తేదీ నుంచి సవరించిన కనీస వేతనాలను తప్పనిసరిగా అమలు చేయాలని కోరుతూ కార్మికులకు కరపత్రాలు పంపిణీ చేశారు.

ఈ సందర్భంగా కార్మిక నాయకుడు బంగారు నర్సింగ్ రావు మాట్లాడుతూ, రాష్ట్ర ప్రభుత్వం ప్రకటించిన కనీస వేతనాలను ప్రతి పరిశ్రమ యాజమాన్యం తప్పక అమలు చేయాలని డిమాండ్ చేశారు. కార్మికులకు చట్టబద్ధమైన వేతనాలు, ఇతర హక్కులు కల్పించడం యాజమాన్యాల బాధ్యత అని ఆయన పేర్కొన్నారు.

కనీస వేతనాల అమలులో నిర్లక్ష్యం వహించే సంస్థలపై కార్మిక శాఖ అధికారులు తక్షణమే చర్యలు తీసుకోవాలని ఆయన కోరారు. కార్మికులంతా తమ హక్కుల కోసం ఐక్యంగా నిలవాలని పిలుపునిచ్చారు.

ఈ కార్యక్రమంలో కార్మికులు, కార్మిక సంఘాల ప్రతినిధులు, నాయకులు పాల్గొన్నారు.