సారంగాపూర్ గ్రామ పంచాయతీ కార్యదర్శి కృష్ణకు వీడ్కోలు

గ్రామ పంచాయతీ కార్యదర్శిగా తన సేవలను గుర్తుచేసుకున్న కృష్ణ, సెగ్రిగేషన్ షెడ్ ఏర్పాటు, తడి-పొడి చెత్త నిర్వహణలో జిల్లా స్థాయిలో ఉత్తమ కార్యదర్శిగా గుర్తింపు పొందడం తనకు సంతృప్తినిచ్చిందని తెలిపారు. రోడ్లు, డ్రైనేజీల నిర్మాణంలో చురుగ్గా పనిచేశానని పేర్కొన్నారు.

పర్యావరణ పరిశుభ్రత, ప్లాస్టిక్ రహిత గ్రామం కోసం నిర్వహించిన కార్యక్రమాలను, ప్రజల్లో అవగాహన కల్పించడాన్ని తన బాధ్యతగా భావించి పనిచేశానని ఆయన అన్నారు. తన బదిలీ సందర్భంగా ఏర్పాటు చేసిన సన్మానానికి కృతజ్ఞతలు తెలిపారు.

కార్యదర్శి కృష్ణ పదవీకాలంలో చేపట్టిన అభివృద్ధి కార్యక్రమాలు, ప్రజలకు అందించిన సేవలు గ్రామస్తుల మన్ననలు పొందాయి. ఆయన బదిలీతో గ్రామ పంచాయతీ సిబ్బంది, వార్డు సభ్యులు కొంత విచారం వ్యక్తం చేశారు. ఆయనకు నూతన బాధ్యతల్లో శుభాకాంక్షలు తెలిపారు.

ఈ కార్యక్రమంలో గ్రామ పంచాయతీ సిబ్బంది, వార్డు సభ్యులు, స్థానిక నాయకులు, గ్రామస్తులు పెద్ద సంఖ్యలో పాల్గొన్నారు. కృష్ణ సేవలను ఈ సందర్భంగా పలువురు ప్రశంసించారు.