నిర్మల్, జూలై 26
నిర్మల్ నియోజకవర్గ కాంగ్రెస్ పార్టీ ఇన్చార్జి కూచాడి శ్రీహరి రావు, ఆగస్టు 3వ తేదీలోగా అర్హులైన ప్రతి ఓటరు పేరు నమోదు చేయాలని, అవసరమైన సవరణలు, ఆన్లైన్ ప్రక్రియను వంద శాతం పూర్తి చేయాలని సూచించారు. నిర్మల్ పట్టణంలో ఆదివారం నిర్వహించిన బూత్ స్థాయి పర్యవేక్షకులు, ప్రతినిధుల సమన్వయ సమావేశంలో ఆయన ఈ మేరకు ఆదేశాలు జారీ చేశారు.
ఆగస్టు 3వ తేదీలోగా ప్రతి పోలింగ్ కేంద్రం పరిధిలో అర్హులైన ప్రతి ఓటరు పేరు నమోదు చేయడంతో పాటు, అవసరమైన సవరణలు, ఆన్లైన్ ప్రక్రియను వంద శాతం పూర్తి చేయాలని నిర్మల్ నియోజకవర్గ కాంగ్రెస్ పార్టీ ఇన్చార్జి కూచాడి శ్రీహరి రావు సూచించారు. బూత్ స్థాయి పర్యవేక్షకులు, బూత్ స్థాయి ప్రతినిధులు అప్రమత్తంగా వ్యవహరిస్తూ బాధ్యతాయుతంగా పనిచేయాలని కోరారు.
నిర్మల్ పట్టణంలో ఆదివారం నిర్వహించిన బూత్ స్థాయి పర్యవేక్షకులు, బూత్ స్థాయి ప్రతినిధుల సమన్వయ సమావేశానికి ఆయన ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ ఎన్నికల సంఘం నిర్దేశించిన విధివిధానాలను కచ్చితంగా పాటిస్తూ, ప్రతి పోలింగ్ కేంద్రం పరిధిలో సమన్వయంతో పనిచేసి ఓటరు నమోదు ప్రక్రియను వేగవంతం చేయాలని సూచించారు.
ప్రతి బూత్ స్థాయి పర్యవేక్షకుడు, ప్రతినిధి తమ పరిధిలోని ఓటర్ల వివరాలను క్షుణ్ణంగా పరిశీలించాలని అన్నారు. అర్హత కలిగిన ఏ ఒక్క ఓటరు పేరు కూడా నమోదు కాకుండా మిగిలిపోకుండా చర్యలు తీసుకోవాలని సూచించారు. ఓటరు జాబితాలో అవసరమైన మార్పులు, చేర్పులు, తొలగింపులను నిబంధనల ప్రకారం పూర్తి చేసి, నమోదు ప్రక్రియను విజయవంతంగా పూర్తి చేయాలని కూచాడి శ్రీహరి రావు కోరారు.
