నిర్మల్, 2026-06-05
నిర్మల్ జిల్లా దిలవర్ పూర్ మండలం కాల్వ గ్రామంలో విషాదకర సంఘటన చోటుచేసుకుంది. గొర్రెల కాపరి దేవన్నకు చెందిన నాలుగు గొర్రెలు, రెండు మేకపోతులు తెగిపడి ఉన్న విద్యుత్ తీగలకు తగిలి అక్కడికక్కడే మృతి చెందాయి. ఈ సంఘటన గురువారం మధ్యాహ్నం ఒంటిగంట సమయంలో జరిగింది.
నిర్మల్ జిల్లా దిలవర్ పూర్ మండలం కాల్వ గ్రామంలో విషాదకర సంఘటన చోటుచేసుకుంది. గొర్రెల కాపరి దేవన్నకు చెందిన నాలుగు గొర్రెలు, రెండు మేకపోతులు తెగిపడి ఉన్న విద్యుత్ తీగలకు తగిలి అక్కడికక్కడే మృతి చెందాయి. ఈ సంఘటన గురువారం మధ్యాహ్నం ఒంటిగంట సమయంలో జరిగింది. మృతుల విలువ సుమారు లక్ష రూపాయల వరకు ఉంటుందని దేవన్న తెలిపారు.
వివరాల్లోకి వెళితే, కాల్వ గ్రామానికి చెందిన కురుమే దేవన్నకు సుమారు 160 నుండి 170 గొర్రెలు ఉన్నాయి. రోజూలాగానే గురువారం ఉదయం 10 గంటల సమయంలో తన గొర్రెల మందను మేత కోసం తీసుకువెళ్లారు. గొర్రెలు మేస్తున్న సమయంలో, నిర్మల్ కు చెందిన శనిగరపు భూమన్న తన తోట పక్కన తెగిపడి ఉన్న విద్యుత్ తీగలకు అవి తగలడంతో దుర్మరణం పాలయ్యాయి.
గొర్రెలు, మేకలు విద్యుత్ తీగలకు తగలగానే దేవన్న వెంటనే విద్యుత్ అధికారులకు సమాచారం అందించారు. అధికారులు సంఘటనా స్థలానికి చేరుకుని, ప్రమాదకరంగా ఉన్న తీగలను తొలగించారు. మృతి చెందిన పశువులను పంచనామా చేసి, కేసు నమోదు చేసుకున్నట్లు తెలిపారు. దేవన్నకు నష్టపరిహారం అందిస్తామని విద్యుత్ అధికారులు హామీ ఇచ్చారు.
