ముధోల్ పాఠశాలలో విద్యార్థులకు ప్రేరణాత్మక కార్యక్రమం

డా. సాప పండరి విద్యార్థులను ఉద్దేశించి మాట్లాడుతూ, పరీక్షల పట్ల భయాన్ని వీడి, ఇష్టంతో చదివి ఉన్నత శిఖరాలను అధిరోహించాలని సూచించారు. తల్లిదండ్రులు, గురువుల గౌరవాన్ని పెంచాలని ఆయన విద్యార్థులను కోరారు.

అలాగే, యువత మాదక ద్రవ్యాలకు దూరంగా ఉండాలని, అవి జీవితాలను నాశనం చేస్తాయని హెచ్చరించారు. పండుగలప్పుడు సహజ రంగులనే వాడాలని, రసాయన రంగుల వల్ల కలిగే ఆరోగ్య సమస్యలను వివరించారు.

ఈ కార్యక్రమంలో పాఠశాల అధ్యక్షుడు కొండవార్ సంజీవ్, కార్యదర్శి వేదపాఠక్ నిశికాంత్, ప్రధానాచార్యులు సారథి రాజు, అకాడమిక్ ఇంచార్జ్ స్వప్న శర్మ, ఉపాధ్యాయులు, విద్యార్థులు పాల్గొన్నారు. డా. సాప పండరిని పాఠశాల యాజమాన్యం సన్మానించింది.