కొంపల్లిలో శ్రీ సీతారాముల కళ్యాణ మహోత్సవం వైభవంగా జరిగింది

శ్రీరామనవమిని పురస్కరించుకుని, అపార్ట్మెంట్ ప్రాంగణాన్ని ఆలయ వాతావరణాన్ని తలపించేలా అందంగా అలంకరించారు. ప్రత్యేక పూజలు నిర్వహించిన అనంతరం, శ్రీ సీతారాముల కల్యాణ మహోత్సవాన్ని సంప్రదాయబద్ధంగా జరిపించారు.

ఈ ఆధ్యాత్మిక కార్యక్రమంలో అపార్ట్మెంట్ నివాసులతో పాటు, పలువురు భక్తులు పెద్ద సంఖ్యలో పాల్గొని, శ్రీ సీతారాముల ఆశీస్సులను పొందారు. ఈ సందర్భంగా అపార్ట్మెంట్ ప్రాంగణం ఆధ్యాత్మిక పరిమళంతో నిండిపోయింది.

ఈ కార్యక్రమంలో మాజీ జడ్పిటిసి ఫోరం రాష్ట్ర ప్రధాన కార్యదర్శి ఉమ్మన్నగారి మనోహర్ రెడ్డి, బిల్డర్ ఏ.వి. రమణ రెడ్డి, ప్రసాద్, సర్వేశ్వర్ వంటి ప్రముఖులు పాల్గొన్నారు. ఈ కళ్యాణ మహోత్సవం విజయవంతం కావడానికి సహకరించిన అపార్ట్మెంట్ నివాసులకు నిర్వాహకులు తమ కృతజ్ఞతలను తెలియజేశారు.