కేసీఆర్‌కు జన్మదిన శుభాకాంక్షలు తెలిపిన శేరిలింగంపల్లి యువనేత చిర్రా రవీందర్ యాదవ్

కేసీఆర్ జన్మదినాన్ని పురస్కరించుకొని, ఒడిశాలోని పూరీ తీరంలో ఏర్పాటు చేసిన సైకత శిల్పాన్ని రవీందర్ యాదవ్ వీడియో రూపంలో కేసీఆర్‌కు చూపించారు. దీనిపై కేసీఆర్ సంతోషం వ్యక్తం చేస్తూ, రవీందర్ యాదవ్‌ను అభినందించారు.

పూరీ తీరంలో రూపొందించిన సైకత శిల్పంతో కూడిన చిత్రపటాన్ని కేసీఆర్‌కు బహుమతిగా అందించారు. ఈ సందర్భంగా కేసీఆర్, శేరిలింగంపల్లి నియోజకవర్గంలో పార్టీ కార్యక్రమాలను సమర్థవంతంగా నిర్వహిస్తున్న రవీందర్ యాదవ్ పనితీరును ప్రశంసించారు. ఆయన నాయకత్వంలో పార్టీ బలోపేతం అవుతుందని పేర్కొన్నారు.

రవీందర్ యాదవ్ మాట్లాడుతూ, కేసీఆర్‌ను తెలంగాణ జాతిపితగా అభివర్ణించారు. ఆయన నాయకత్వంలో, కేటీఆర్ మార్గదర్శకత్వంలో హైదరాబాద్‌లో జరగబోయే ఎన్నికల్లో బీఆర్ఎస్ విజయం సాధిస్తుందని ధీమా వ్యక్తం చేశారు.