లంచం కేసులో చందానగర్ ఎస్ఐ బాలరాజు ఏసీబీకి చిక్కారు

హైదరాబాద్, 2026-08-22

సైబరాబాద్ కమిషనరేట్ పరిధిలోని చందానగర్ పోలీస్ స్టేషన్లో అవినీతి నిరోధక శాఖ (ఏసీబీ) అధికారులు దాడులు నిర్వహించారు. ఈ దాడుల్లో లంచం తీసుకుంటున్న చందానగర్ ఎస్ఐ బాలరాజు ఏసీబీ అధికారులకు రెడ్హ్యాండెడ్గా పట్టుబడినట్లు సమాచారం.

సైబరాబాద్ కమిషనరేట్ పరిధిలోని చందానగర్ పోలీస్ స్టేషన్లో అవినీతి నిరోధక శాఖ (ఏసీబీ) అధికారులు దాడులు నిర్వహించారు. ఈ దాడుల్లో లంచం తీసుకుంటున్న చందానగర్ ఎస్ఐ బాలరాజు ఏసీబీ అధికారులకు రెడ్హ్యాండెడ్గా పట్టుబడినట్లు సమాచారం. ఎస్ఐ బాలరాజుతో పాటు కానిస్టేబుల్ రాజ్కుమార్, స్టేషన్ రైటర్ రాఘవను కూడా ఏసీబీ అధికారులు అదుపులోకి తీసుకున్నట్లు తెలుస్తోంది.

విచారణ కొనసాగుతోంది

ప్రస్తుతం పోలీస్ స్టేషన్లోనే ఎస్ఐ బాలరాజుతో పాటు ఇతరులను ఏసీబీ అధికారులు విచారిస్తున్నట్లు సమాచారం. ఓ భూ వ్యవహారానికి సంబంధించి కేసు నమోదు చేసి, తదుపరి విచారణ కొనసాగించేందుకు డబ్బులు డిమాండ్ చేసినట్లు ఆరోపణలు ఉన్నాయి. ఈ క్రమంలో లంచం తీసుకుంటుండగా ఏసీబీ అధికారులు దాడి చేసి పట్టుకున్నట్లు తెలుస్తోంది.

అధికారిక ప్రకటన వెలువడాల్సి ఉంది

ఈ వ్యవహారానికి సంబంధించిన పూర్తి వివరాలు, ఏసీబీ అధికారుల అధికారిక ప్రకటన వెలువడాల్సి ఉంది. ఈ ఘటన పోలీసు శాఖలో కలకలం సృష్టించింది. అవినీతికి పాల్పడిన అధికారులపై కఠిన చర్యలు తీసుకోవాలని పలువురు కోరుతున్నారు.