బాసర, 2026-06-05
ముధోల్ నియోజకవర్గంలోని బాసరలో రైస్మిల్ కేసు రాజకీయంగా తీవ్ర కలకలం రేపుతోంది. ఈ కేసులో భాగంగా బాసరకు చెందిన మాజీ సర్పంచ్ దయాల లక్ష్మణ్రావు, కిర్గుల్ (బి) మాజీ సర్పంచ్ సుధాకర్రెడ్డి, నాయకులు సుధాకర్రావు, మల్కన్నలపై సారంగాపూర్ పోలీస్స్టేషన్లో కేసు నమోదైంది. సివిల్ సప్లయ్స్ అధికారుల ఫిర్యాదు మేరకు పోలీసులు వీరిని అరెస్టు చేశారు.
ముధోల్ నియోజకవర్గంలోని బాసరలో రైస్మిల్ కేసు రాజకీయంగా తీవ్ర కలకలం రేపుతోంది. ఈ కేసులో భాగంగా బాసరకు చెందిన మాజీ సర్పంచ్ దయాల లక్ష్మణ్రావు, కిర్గుల్ (బి) మాజీ సర్పంచ్ సుధాకర్రెడ్డి, నాయకులు సుధాకర్రావు, మల్కన్నలపై సారంగాపూర్ పోలీస్స్టేషన్లో కేసు నమోదైంది. సివిల్ సప్లయ్స్ అధికారుల ఫిర్యాదు మేరకు పోలీసులు వీరిని అరెస్టు చేసి, ఆదివారం రాత్రి నిర్మల్ సబ్జైలుకు తరలించారు.
రూ.10.66 కోట్లకుపైగా ఆరోపణలు
రైస్మిల్లులకు సీఎంఆర్ (కస్టమ్ మిల్లింగ్ రైస్) కింద కేటాయించిన ధాన్యాన్ని మరపట్టి బియ్యంగా మార్చి ప్రభుత్వానికి అప్పగించాల్సి ఉండగా, అలా చేయలేదని అధికారులు ఆరోపించారు. ఈ వ్యవహారంలో సుమారు రూ.10.66 కోట్లకుపైగా విలువైన బియ్యం, ధాన్యానికి సంబంధించిన అక్రమాలు జరిగినట్లు ఫిర్యాదులో పేర్కొన్నారు. ఈ కేసు దర్యాప్తులో భాగంగానే నలుగురు నాయకులను పోలీసులు అదుపులోకి తీసుకున్నారు.
రాజకీయంగా చర్చనీయాంశం
బాసరలో శ్రీజ్ఞాన సరస్వతి అమ్మవారి ఆలయం ఉండటంతో వివిధ రాజకీయ పార్టీలకు చెందిన రాష్ట్రస్థాయి నాయకులు తరచూ ఇక్కడికి వస్తుంటారు. దీంతో స్థానిక నాయకులకు రాష్ట్రస్థాయి రాజకీయ వర్గాలతో పరిచయాలు ఉన్నాయనే చర్చ స్థానికంగా ఉంది. ఈ నేపథ్యంలో కేసులో అరెస్టయిన నాయకులు త్వరలోనే బయటకు వస్తారనే ప్రచారం కూడా జరిగినట్లు తెలుస్తోంది. అయితే, పోలీసులు రాత్రికి రాత్రే అరెస్టు చేయడం రాజకీయంగా చర్చనీయాంశమైంది.
రైస్మిల్ సీఎంఆర్ వ్యవహారాలపై ప్రభుత్వం ప్రత్యేక దృష్టి సారించిన నేపథ్యంలో ఈ కేసుకు ప్రాధాన్యం ఏర్పడింది. జిల్లా ఎస్పీ జానకి షర్మిల కేసులపై ప్రత్యేకంగా దృష్టి సారించి, దర్యాప్తును వేగవంతం చేయాలని ఆదేశించినట్లు పోలీసు వర్గాలు పేర్కొంటున్నాయి.
పదవికి లక్ష్మణ్రావు రాజీనామా
ఈ కేసులో అరెస్టయిన బాసర మండల కాంగ్రెస్ పార్టీ అధ్యక్షుడు దయాల లక్ష్మణ్రావు తన పార్టీ పదవికి రాజీనామా చేస్తున్నట్లు ప్రకటించడం స్థానికంగా మరింత చర్చనీయాంశమైంది. ఈ పరిణామంతో బాసర రాజకీయాల్లో మరింత వేడి పెరిగింది. కేసు వ్యవహారంపై స్థానిక రాజకీయ వర్గాలు, సామాజిక మాధ్యమాల్లో విస్తృతంగా చర్చించుకుంటున్నారు.
