ఆమ్ ఆద్మీ పార్టీ సభ్యత్వ నమోదును విస్తృతం చేస్తోంది

గురువారం నిర్మల్‌లో పార్టీ కార్యాలయంలో జరిగిన కార్యక్రమంలో, పలువురు యువకులు, సామాజిక కార్యకర్తలకు పార్టీ కండువాలు కప్పి, పార్టీలోకి ఆహ్వానించారు. ఈ సందర్భంగా సయ్యద్ హైదర్ మాట్లాడుతూ, అరవింద్ కేజ్రీవాల్ నాయకత్వంలో ఢిల్లీ, పంజాబ్‌లలో జరిగిన అభివృద్ధి, పార్టీ సిద్ధాంతాలు ప్రజలను ఆకర్షిస్తున్నాయని పేర్కొన్నారు.

దేశంలో మార్పు ఆమ్ ఆద్మీ పార్టీతోనే సాధ్యమని ప్రజలు నమ్ముతున్నారని ఆయన అన్నారు. ఢిల్లీ, పంజాబ్‌లలో విద్యా, వైద్య రంగాల్లో ప్రవేశపెట్టిన సంస్కరణలు దేశవ్యాప్తంగా ప్రశంసలు అందుకుంటున్నాయని, అదే తరహా అభివృద్ధిని తెలంగాణలో, ముఖ్యంగా నిర్మల్ జిల్లాలో చూడాలని ప్రజలు ఆకాంక్షిస్తున్నారని తెలిపారు.

జిల్లాలోని ప్రతి గ్రామంలోనూ సభ్యత్వ నమోదు కార్యక్రమాన్ని ఉధృతంగా చేపట్టాలని పార్టీ నాయకులకు, కార్యకర్తలకు ఆయన పిలుపునిచ్చారు. ఈ కార్యక్రమం ద్వారా ఎక్కువ మందిని పార్టీలోకి చేర్చుకోవాలని లక్ష్యంగా పెట్టుకున్నారు.

ఈ కార్యక్రమంలో పార్టీ నాయకులు వినోద్ కుమార్, అబ్దుల్ సాదిక్, వసంతరావు, గోల్కొండ రాజమణి తదితరులతో పాటు పెద్ద సంఖ్యలో కార్యకర్తలు, ప్రజలు పాల్గొన్నారు.