-
- సైబర్ మోసాలను అరికట్టేందుకు కేంద్రం కీలక నిర్ణయం
- ఆధార్ బేస్డ్ బయోమెట్రిక్ వెరిఫికేషన్ తప్పనిసరి
- ఇతర ఐడీలు ఇకపై చెల్లుబాటు కావు
-
సైబర్ మోసాలను నియంత్రించేందుకు కేంద్ర ప్రభుత్వం కీలక నిర్ణయం తీసుకుంది. ఇకపై కొత్త సిమ్ కార్డులు పొందేందుకు ఆధార్ ఆధారిత బయోమెట్రిక్ వెరిఫికేషన్ తప్పనిసరి. ఇప్పటివరకు ఓటర్ ఐడీ, పాస్పోర్ట్ వంటి ఇతర ప్రభుత్వ గుర్తింపు పత్రాలు చెల్లుబాటు అయ్యాయి. అయితే తాజా నిబంధనల ప్రకారం ఆధార్ లేకుండా సిమ్ కార్డులను జారీ చేయరు.
-
సైబర్ మోసాలు పెరుగుతున్న నేపథ్యంలో కేంద్ర ప్రభుత్వం కీలక నిర్ణయం తీసుకుంది. కొత్తగా సిమ్ కార్డులు తీసుకునే వారు తప్పనిసరిగా ఆధార్ ఆధారిత బయోమెట్రిక్ వెరిఫికేషన్ పూర్తి చేయాలని స్పష్టం చేసింది. ఇప్పటివరకు ఓటర్ ఐడీ, పాస్పోర్ట్ వంటి ఇతర గుర్తింపు పత్రాలు సిమ్ కార్డుల కోసం చెల్లుబాటు అయ్యాయి. కానీ ఇప్పుడు ఆధార్ వెరిఫికేషన్ లేకుండా సిమ్ కార్డులు జారీ చేయరు.
ఈ కొత్త నిబంధనతో నకిలీ ఐడీలను ఉపయోగించి సిమ్ కార్డుల జారీని అరికట్టవచ్చని భావిస్తున్నారు. అలాగే, సైబర్ మోసాలను కూడా నియంత్రించవచ్చని కేంద్రం ధీమాగా ఉంది. ఈ చర్య వినియోగదారుల భద్రతను పెంపొందించడంలో కీలక పాత్ర పోషిస్తుంది.
