- పేదలకు ఉచిత ఫోర్టిఫైడ్ బియ్యం పంపిణీ పథకాన్ని 2028 డిసెంబరు వరకు కొనసాగించనున్న కేంద్రం
- రక్తహీనతను తగ్గించేందుకు ఉచిత ఫోర్టిఫైడ్ రైస్ సరఫరా
- 80 కోట్ల మంది పేద ప్రజలకు దసరా కానుకగా కేంద్ర మంత్రివర్గం నిర్ణయం
కేంద్ర ప్రభుత్వం ప్రధానమంత్రి గరీబ్ కల్యాణ్ అన్న యోజన పథకాన్ని మరో నాలుగు సంవత్సరాలు పొడిగించింది. 2028 డిసెంబరు వరకు దేశంలోని 80 కోట్ల మంది పేదలకు ఉచిత ఫోర్టిఫైడ్ రైస్ అందించబడుతుంది. ఈ పథకం ద్వారా రక్తహీనత, పోషకాహార లోపాలను తగ్గించడం లక్ష్యంగా ఉంది.
మోడీ ప్రభుత్వం పేదలకు దసరా కానుకగా ప్రధానమంత్రి గరీబ్ కల్యాణ్ అన్న యోజన (PMGKAY) పథకాన్ని 2028 డిసెంబరు వరకు కొనసాగించనున్నట్లు తెలిపింది. ఈ పథకం ద్వారా ఉచితంగా సరఫరా చేయబడే ఫోర్టిఫైడ్ బియ్యంలో ఐరన్, ఫోలిక్ యాసిడ్, విటమిన్ బి12 వంటి సూక్ష్మపోషకాలు ఉంటాయి. పేదలకు పోషకాహారాన్ని అందించాలన్న లక్ష్యంతో, 100 శాతం కేంద్ర నిధులతో ఈ పథకాన్ని అమలు చేయనున్నారు.
మార్చి 2024 నాటికి దేశవ్యాప్తంగా ఉచిత ఫోర్టిఫైడ్ రైస్ అందించడానికి మూడు దశల్లో అమలు చేయబడిన పథకం విజయవంతమైంది. ఈ పథకం ద్వారా దేశవ్యాప్తంగా 80 కోట్ల మంది పౌరులకు పోషకాహార భద్రత కల్పించబడుతుంది. PMGKAY తో పాటు TPDS, ICDS, PM POSHAN వంటి పథకాలతో దేశ వ్యాప్తంగా పౌరులకు రక్తహీనత నివారణకు ఈ కార్యక్రమం సహాయపడుతోంది.
