📍భైంసా, ఫిబ్రవరి 12
- తానూర్ మండలంలోని పలు గ్రామాల్లో తాగునీటి కొరత
- మీషన్ భగీరథ నీటిని కొందరు రైతులు అక్రమంగా వ్యవసాయానికి వాడడం
- అధికారుల నిర్లక్ష్యంతో ప్రజలు నీటి కోసం అవస్థలు
- జిల్లా అధికారుల తక్షణ చర్యల కోసం ప్రజల డిమాండ్
నిర్మల్ జిల్లా తానూర్ మండలంలో మీషన్ భగీరథ నీరు ప్రజలకు అందక, కొందరు రైతులు అక్రమంగా తమ పొలాలకు మళ్లిస్తున్నారు. బోరిగాం, హిప్నేల్లి గ్రామాల్లో రైతులు రాత్రివేళలు పంటలకు నీరు పారుస్తుండగా, అధికారులు మాత్రం పట్టించుకోవడం లేదు. తాగునీటి కోసం ప్రజలు తీవ్ర ఇబ్బందులు పడుతుండగా, సంబంధిత అధికారుల నిర్లక్ష్యంపై స్థానికులు ఆగ్రహం వ్యక్తం చేస్తున్నారు.
నిర్మల్ జిల్లా తానూర్ మండలంలోని పలు గ్రామాల్లో ప్రజలు తాగునీటి కొరతతో ఇబ్బందులు పడుతున్నారు. అయితే, మీషన్ భగీరథ నీటిని కొందరు రైతులు వ్యవసాయ అవసరాలకు దారి మళ్లిస్తున్నారు. బోరిగాం గ్రామంలోని బాలాజీ గుట్ట సమీపంలో కొందరు రైతులు మొక్కజొన్న పంటకు నీరు పారుస్తుండగా, హిప్నేల్లి గ్రామ సమీపంలో మరికొందరు రైతులు అదే పద్ధతిలో నీటిని వృధా చేస్తున్నారు.
తానూర్ వైపు వెళ్లే మీషన్ భగీరథ మెయిన్ లైన్ పైపుకు అనుమతులు లేకుండానే అంకబైండ్ కనెక్షన్లు ఏర్పాటు చేసి, రాత్రివేళల్లో వ్యవసాయ పొలాలకు నీరు మళ్లిస్తున్నారు. దీంతో పలు గ్రామాలకు తాగునీరు అందని ద్రాక్షగా మారింది. హిప్నేల్లిలో గత వారం రోజులుగా తాగునీటి సమస్య ఉత్కంఠ రేపుతోంది. ప్రజలు కాలినడకన పాత గ్రామానికి వెళ్లి నీరు తెచ్చుకోవాల్సిన పరిస్థితి ఏర్పడింది.
అధికారుల నిర్లక్ష్యం వల్ల ప్రజలు నీటి కోసం సతమతమవుతుండగా, ఇప్పటికైనా జిల్లా ఉన్నతాధికారులు రంగంలోకి దిగి, మీషన్ భగీరథ నీరు ప్రతి గ్రామానికి అందేలా చర్యలు తీసుకోవాలని స్థానికులు కోరుతున్నారు.
