👉 వెన్నుపూస సంబంధిత సమస్యలతో బాధపడుతున్న దుర్గాబాయికి ఆర్థిక సహాయం.
👉 ఖత్రి సమాజ్ కమిటీ సభ్యుల పరామర్శ.
👉 బాధిత కుటుంబానికి సమాజ సభ్యుల మద్దతు.
హైదరాబాద్‌ కుత్బుల్లాపూర్‌లోని ఎస్‌ఎస్‌కే షాపూర్ ఖత్రి సమాజ్ కమిటీ సభ్యులు వెన్నుపూస సమస్యలతో బాధపడుతున్న కాటిగర్ దుర్గాబాయిని పరామర్శించి ఆమె కూతురి చేతికి ఆర్థిక సహాయం చెక్కును అందజేశారు.
కుత్బుల్లాపూర్‌లో ఎస్‌ఎస్‌కే షాపూర్ ఖత్రి సమాజ్ (పట్కరి) కమిటీ సభ్యుల ఆధ్వర్యంలో మంగళవారం వైద్య ఆర్థిక సహాయం అందజేశారు. షాపూర్ నగర్‌లో నివసిస్తున్న కాటిగర్ దుర్గాబాయి వెన్నుపూసకు సంబంధించి తీవ్ర నొప్పితో బాధపడుతూ ఇటీవల ఆస్పత్రిలో ఆపరేషన్ చేయించుకున్నారు. డిశ్చార్జ్ అయిన ఆమె ఇంటికి రావడంతో, ఈ విషయం తెలుసుకున్న ఖత్రి సమాజ్ సభ్యులు ఆమెను పరామర్శించారు.
ఈ సందర్భంగా దుర్గాబాయికి మద్దతుగా ఆమె కూతురి చేతికి ఆర్థిక సహాయంగా చెక్కు అందజేశారు. ఈ కార్యక్రమంలో ధగుడు ప్రశాంత్, మెంగ్జీ అశోక్, పవార్ రాకేష్, పవార్ సతీష్, గణేష్ పవార్, గోరక్ మధు, కె. సాయి కిరణ్, ఎ. శివ, ఎ. నెహ్రూ, సిహెచ్ విజయ్, టి. దాతాత్రియ, గుజరాతీ నార్సింగ్ తదితరులు పాల్గొన్నారు.
సమాజం బాధిత కుటుంబానికి కేవలం ఆర్థిక సహాయం చేయడమే కాకుండా, మానవీయ విలువలను చాటిచెప్పే ఈ ఉదాహరణ, సమాజం సేవా దృక్పథానికి ప్రతీకగా నిలిచింది.
