జూబ్లీహిల్స్ ఉప ఎన్నికల్లో మరో ఓటు చోరీ బహిర్గతం
-
ఓ చిన్న ఇంట్లో 27 ఓట్లు నమోదయ్యాయి
-
ఇంటి యజమాని ఒక్కరే ఓటర్ అని తేల్చాడు
-
స్థానికులు అధికారుల స్పందన కోరుతున్నారు
హైదరాబాద్ జూబ్లీహిల్స్ ఉప ఎన్నికలలో ఓటర్ల జాబితాలో అవకతవకలు వెలుగుచూశాయి. వెంగళరావు నగర్ డివిజన్లోని 125 బూత్లో ఉన్న చిన్న ఇంట్లో 27 ఓట్లు నమోదయ్యాయి. ఇంటి యజమాని ఒక్కరే ఓటర్ అని చెబుతుండగా, మిగతా పేర్లు తెలియవని తెలిపాడు. స్థానికులు విచారణ జరిపించాలని అధికారులను కోరుతున్నారు.
హైదరాబాద్లో జూబ్లీహిల్స్ ఉప ఎన్నికల నేపథ్యంలో ఓటర్ల జాబితాలో పెద్ద ఎత్తున అవకతవకలు బయటపడుతున్నాయి. వెంగళరావు నగర్ డివిజన్ 125 బూత్లో ఉన్న ఇంటి నంబర్ 8-3-191/369లో కేవలం 80 గజాల చిన్న ఇంట్లో 27 ఓట్లు నమోదయ్యాయి.
ఇంటి యజమాని మాట్లాడుతూ, “నేనే ఒక్కరే ఓటర్ని, ఇద్దరు కిరాయిదారులు మాత్రమే ఇక్కడ ఉంటున్నారు. మిగతా పేర్లు ఎవరివో నాకు తెలియదు” అని తెలిపారు. పక్కింటి వారు, స్థానికంగా 30 ఏళ్లుగా నివసిస్తున్న కేబుల్ ఆపరేటర్ మాట్లాడుతూ — “ఈ ఓటర్లు ఇక్కడ ఎప్పుడూ నివసించలేదు” అని పేర్కొన్నారు.
ఈ ఘటనపై స్థానికులు ఆగ్రహం వ్యక్తం చేస్తూ, ఎన్నికల అధికారులు వెంటనే విచారణ జరిపి తగిన చర్యలు తీసుకోవాలని డిమాండ్ చేస్తున్నారు.
