భారత జట్టు న్యూజిలాండ్‌తో టెస్ట్ సిరీస్ ఓటమి అనంతరం ఇప్పుడు దక్షిణాఫ్రికా జట్టుతో నాలుగు మ్యాచ్‌ల టీ20 సిరీస్ కోసం సిద్ధమవుతోంది. ఈ సిరీస్ నవంబర్ 8 నుండి ప్రారంభం కానుంది.
మ్యాచ్ వివరాలు:
తొలి టీ20 మ్యాచ్ కింగ్స్‌మీడ్ (డర్బన్) వేదికగా భారత కాలమానం ప్రకారం శుక్రవారం రాత్రి 8:30 గంటలకు ప్రారంభమవుతుంది.
హెడ్ టు హెడ్ రికార్డ్స్: భారతదేశం మరియు దక్షిణాఫ్రికా ఇప్పటి వరకు 27 సార్లు టీ20ల్లో తలపడగా, ఇందులో భారత్ 15 విజయాలు, సఫారీలు 11 విజయాలు సాధించారు. ఒక మ్యాచ్ ఫలితం తేలలేదు.
కెప్టెన్లు:
భారత జట్టుకు సూర్యకుమార్ యాదవ్ నాయకత్వం వహిస్తుండగా, సఫారీలకు ఐడెన్ మర్క్‌రమ్ కెప్టెన్.
షెడ్యూల్:
- తొలి టీ20 (నవంబర్ 08): కింగ్స్‌మీడ్, డర్బన్
- రెండో టీ20 (నవంబర్ 10): సెయింట్ జార్జ్ పార్క్, గెబెర్హా
- మూడో టీ20 (నవంబర్ 13): సూపర్‌స్పోర్ట్ పార్క్, సెంచూరియన్
- నాలుగో టీ20 (నవంబర్ 15): వాండరర్స్ స్టేడియం, జోహన్నెస్‌బర్గ్
లైవ్ స్ట్రీమింగ్ వివరాలు: స్పోర్ట్స్ 18-1, స్పోర్ట్స్ 18-2 ఛానెళ్లలో ప్రత్యక్ష ప్రసారం చేయబడుతుంది. జియో సినిమా (JioCinema) యాప్‌లో ఉచితంగా లైవ్ స్ట్రీమింగ్ అందుబాటులో ఉంటుంది.
ఇరు జట్ల స్క్వాడ్:
భారత జట్టు:
సూర్యకుమార్ యాదవ్ (కెప్టెన్), అభిషేక్ శర్మ, సంజు శాంసన్ (వికెట్ కీపర్), రింకు సింగ్, తిలక్ వర్మ, జితేష్ శర్మ (వికెట్ కీపర్), హార్దిక్ పాండ్యా, అక్షర్ పటేల్, రమణదీప్ సింగ్, వరుణ్ చక్రవర్తి, రవి బిష్ణోయ్, అర్ష్‌దీప్ సింగ్, విజయ్‌కుమార్ వైషక్, అవేష్ ఖాన్, యశ్ దయాల్.
దక్షిణాఫ్రికా జట్టు:
ఐడెన్ మార్క్‌రమ్ (కెప్టెన్), రీజా హెండ్రిక్స్, ర్యాన్ రికెల్టన్, ట్రిస్టన్ స్టబ్స్, హెన్రిచ్ క్లాసెన్, ఒట్నీల్ బార్ట్‌మన్, గెరాల్డ్ కోయెట్జీ, డోనావన్ ఫెరీరా, మార్కో జాన్సెన్, పాట్రిక్ క్రూగర్, కేశవ్ మహారాజ్, డేవిడ్ మిల్లర్, మిహ్లాలీ మ్పోంగ్వానా, న్కాబా పీటర్, ఆండిలే సిమిలానే.
