నిర్మల్ జిల్లాలో పోషణ మాసం ముగింపు వేడుకలు ఘనంగా నిర్వహణ
-
దివ్య గార్డెన్స్‌లో పోషణ మాసం ముగింపు వేడుకలు
-
ముఖ్య అతిథులుగా ఎమ్మెల్యే ఏలేటి మహేశ్వర్ రెడ్డి, కలెక్టర్ అభిలాష అభినవ్
-
గర్భిణీలు, బాలింతలు, చిన్నారుల ఆరోగ్యంపై అవగాహన కార్యక్రమాలు
నిర్మల్ జిల్లాలో పోషణ మాసం ముగింపు వేడుకలు దివ్య గార్డెన్స్‌లో ఘనంగా జరిగాయి. ఎమ్మెల్యే ఏలేటి మహేశ్వర్ రెడ్డి, జిల్లా కలెక్టర్ అభిలాష అభినవ్ పాల్గొన్నారు. గర్భిణీలు, బాలింతలు, చిన్నారులలో పోషకాహార ప్రాముఖ్యతపై అవగాహన కల్పించారు. గర్భిణీలకు పండ్లు, సారెలు పంపిణీ చేయగా, చిన్నారులకు అన్నప్రాసన కార్యక్రమం నిర్వహించారు.
నిర్మల్, అక్టోబర్ 16:
నిర్మల్ జిల్లాలో పోషణ మాసం ముగింపు వేడుకలు గురువారం దివ్య గార్డెన్స్‌లో ఘనంగా నిర్వహించబడ్డాయి. మాతా, శిశు మరియు దివ్యాంగుల సంక్షేమ శాఖ ఆధ్వర్యంలో జరిగిన ఈ కార్యక్రమానికి ఎమ్మెల్యే ఏలేటి మహేశ్వర్ రెడ్డి, జిల్లా కలెక్టర్ అభిలాష అభినవ్ ముఖ్య అతిథులుగా హాజరయ్యారు.
ఈ సందర్భంగా కలెక్టర్ మాట్లాడుతూ జిల్లాలోని అన్ని అంగన్వాడీ కేంద్రాల్లో ప్రతిరోజూ సంపూర్ణ పోషకాహారం అందించబడుతోందని తెలిపారు. గర్భిణీలు, బాలింతలు, చిన్నారుల్లో పోషక లోపాలను నివారించేందుకు ప్రత్యేక చర్యలు తీసుకుంటున్నామని పేర్కొన్నారు. అంగన్వాడీ టీచర్లు పిల్లలను తమ సొంత బిడ్డలుగా చూసుకోవాలని, వారి ఆరోగ్యంపై ప్రత్యేక శ్రద్ధ చూపాలని సూచించారు.
కార్యక్రమంలో పోషకాహారంపై నాటికలు, పాటల ద్వారా ప్రజలకు అవగాహన కల్పించారు. గర్భిణీలకు పండ్లు, సారెలు పంపిణీ చేసి సామూహిక సీమంతం, చిన్నారులకు అన్నప్రాసన కార్యక్రమం నిర్వహించారు.
ఈ కార్యక్రమంలో అదనపు కలెక్టర్ ఫైజాన్ అహ్మద్, డీఈఓ భోజన్న, డిఆర్డీవో విజయలక్ష్మి, మున్సిపల్ కమిషనర్ జగదీశ్వర్ గౌడ్, సీడీపీవోలు, అంగన్వాడీ సిబ్బంది పాల్గొన్నారు.
