మానవత్వం చాటుకున్న ‘ఆలూరు వారియర్స్’ యువకులు
– మనోరంజని, తెలుగు టైమ్స్, సారంగాపూర్ ప్రతినిధి
ఆలూరు, నిర్మల్ జిల్లా:
దసరా సెలవుల్లో సాధారణంగా యువకులు సరదాగా గడిపే రోజులలో, ఆలూరు గ్రామ యువకులు మాత్రం మానవత్వానికి మిన్నగా నిలిచారు. ఆలూరులో నిర్వహించిన APL (Aluru Premier League) 2వ సీజన్ క్రికెట్ టోర్నమెంట్ విజేతలైన ‘ఆలూరు వారియర్స్’ టీమ్ తమ గెలుపుతో వచ్చిన నగదును సేవా కార్యక్రమాలకు వినియోగించి అందరికీ ఆదర్శంగా నిలిచారు.
ఈ టోర్నమెంట్‌లో గెలిచి అందిన రూ.11,000 ప్రైజ్ మనీలో,
🔹 రూ.5,000 విలువైన నిత్యవసర వస్తువులను ఆలూరు గ్రామానికి చెందిన సొన్న పోసాని కుటుంబానికి అందజేసి మానవతా హృదయాన్ని చాటారు.
🔹 రూ.6,000ను శివాజీ విగ్రహ ప్రతిష్ఠా కమిటీకి విరాళంగా అందజేశారు.
ఈ సేవా కార్యక్రమంపై గ్రామస్తులు హర్షం వ్యక్తం చేశారు. “సేవా పట్ల ఈ యువకుల దృక్పథం గ్రామానికి గర్వకారణం. ముందు ముందు మరిన్ని సేవా కార్యక్రమాల్లో పాల్గొనాలి” అంటూ ఆశీర్వదించారు.
ఈ కార్యక్రమంలో పోషెట్టి, ప్రమోద్, సాయిచరణ్, దేవేందర్, భూమేష్, విశాల్, రాకేష్, తరుణ్, అఖిల్, CH. అఖిల్, ప్రవీణ్, మధు, వినోద్, లడ్డూ, శ్రీకాంత్, జ్ఞానేశ్వర్ తదితర సభ్యులు పాల్గొన్నారు.
📌 సేవలో సౌభాగ్యం – ఆటలో ఆత్మీయత అన్న మాటకు నిదర్శనంగా నిలిచిన ‘ఆలూరు వారియర్స్’ యువకుల ఈ మంచి పని, సమాజానికి స్ఫూర్తిదాయకం.
