- విజయసాయిరెడ్డి రాజీనామాపై హోంమంత్రి అనిత ఘాటైన విమర్శలు
- “గొడ్డలి కలలోకి వచ్చి భయపడి రాజీనామా చేశారు” అని సెటైర్లు
- రాజకీయాల్లో ఉన్నా లేకపోయినా తప్పు చేసిన వారికి శిక్ష తప్పదని హోంమంత్రి ప్రకటన
- జగన్, వైసీపీ పాలనపై అనిత ఘాటుగా స్పందించారు
విజయసాయిరెడ్డి రాజీనామాపై హోంమంత్రి వంగలపూడి అనిత సెటైర్లు వేశారు. ఆయ‌న భయపడి రాజీనామా చేశారని, రాజకీయాల్లో ఉన్నా లేకపోయినా తప్పులకు శిక్ష తప్పదని పేర్కొన్నారు. విశాఖ జువైనల్ హోమ్ సందర్శన సందర్భంగా ఆమె వైసీపీపై విమర్శలు గుప్పించారు. జగన్ పాలన అబద్ధాలతో నడిచిందని, దావోస్ పర్యటనల ద్వారా పెట్టుబడులు తీసుకురావడంలో వైఫల్యమని మండిపడ్డారు.
ఆంధ్రప్రదేశ్ హోంమంత్రి వంగలపూడి అనిత విజయసాయిరెడ్డి రాజీనామాపై ఘాటైన విమర్శలు చేశారు. “గొడ్డలి కలలోకి వచ్చి భయపడి రాజీనామా చేశారేమో” అంటూ సెటైర్లు విసిరిన అనిత, రాజకీయాల్లో ఉన్నా లేకపోయినా తప్పు చేసిన వారికి శిక్ష తప్పదని స్పష్టం చేశారు.
ఈరోజు విశాఖపట్నంలో జువైనల్ హోమ్‌ను సందర్శించిన అనిత, ప్రభుత్వ బాధ్యత పిల్లలను రక్షించడమేనని చెప్పారు. వైసీపీపై విరుచుకుపడుతూ గత ఐదేళ్ల పాలనలో అబద్ధాలతో ప్రజలను మభ్యపెట్టారని, ఇప్పుడు కూడా అదే చేస్తున్నారని ఆరోపించారు.
దావోస్ పర్యటనలపై వైసీపీ నేతలు చేస్తున్న విమర్శలను ఖండించిన అనిత, “గత ఐదేళ్లలో నాలుగు సార్లు దావోస్ సమ్మిట్ జరిగితే ఒక్కసారి మాత్రమే జగన్ హాజరయ్యారు. రాష్ట్రానికి పెట్టుబడులు తీసుకురావడంలో వైఫల్యం అతని పాలనలో స్పష్టమైంది” అన్నారు.
వైసీపీపై విరుచుకుపడుతూ అనిత “రెడ్ బుక్ రాజ్యాంగం అమలు చేస్తే వైసీపీ నేతలు ఈ ఏడాది రోడ్ల మీదకు వస్తారు” అని పేర్కొన్నారు. వైసీపీ పాలనపై ఆమె చేసిన విమర్శలు రాజకీయ వర్గాల్లో చర్చనీయాంశంగా మారాయి.
