మూడు రోజులపాటు భారీ వర్షాలు – జాగ్రత్తగా ఉండాలని సూచించిన జిల్లా ఎస్పీ
🗓 జూన్ 25, ఆదిలాబాద్
ఆదిలాబాద్ జిల్లాలో మూడు రోజులపాటు భారీ వర్షాలు కురిసే అవకాశముండటంతో జిల్లా ఎస్పీ అఖిల్ మహాజన్ ఐపీఎస్ ప్రజలను అప్రమత్తంగా ఉండాలని కోరారు.
అత్యవసర పరిస్థితులలో తప్ప ఇళ్లనుండి బయటకు రావద్దని, అత్యంత జాగ్రత్తలు పాటించాలని సూచించారు. జిల్లా పోలీసులు 24/7 అప్రమత్తంగా, ప్రజలకు సేవలు అందించేందుకు సిద్ధంగా ఉన్నట్లు ఆయన తెలిపారు.
డిడిఆర్ఎఫ్ (DDRF) బృందం అత్యాధునిక పరికరాలతో సిద్ధంగా ఉంది అని, అవసరమైతే డయల్ 100 లేదా స్థానిక పోలీసులను సంప్రదించాలని సూచించారు.
లోతట్టు ప్రాంతాల ప్రజలు అప్రమత్తంగా ఉండాలి.
జలపాతాల వద్దకు యువత దూరంగా ఉండాలి.
కల్వర్టులు, బ్రిడ్జిలపై నీరు ప్రవహిస్తున్నప్పుడు వాటిని దాటవద్దు.
రాష్ట్ర వాతావరణ శాఖ హెచ్చరికల మేరకు ఎలాంటి ప్రాణహానీ జరగకుండా ఉండేందుకు పోలీసులు ముందస్తు చర్యలు తీసుకుంటున్నారని ఎస్పీ తెలిపారు.
ప్రజలు పోలీసుల సూచనలు పాటించి తమ కుటుంబాలను రక్షించుకోవాలని ఆయన విజ్ఞప్తి చేశారు.
