- అద్దె గర్భాలను చట్టబద్ధత కల్పించి, కఠిన చర్యలు తీసుకోవాలి
- రాయదుర్గంలో మహిళ మృతికి సంబంధించి సీరియస్ చర్యలు అవసరం
- ప్రభుత్వానికి విజ్ఞప్తి చేసిన ఎన్ హెచ్ ఆర్ సి స్టేట్ సోషల్ మీడియా కన్వీనర్ పాముల నారాయణ
- సరగసి కేంద్రాల నిర్వాహకులపై చర్యలు తీసుకోవాలి
రాయదుర్గంలో ఒక మహిళ హత్యకు గురైన ఘటనపై ఎన్ హెచ్ ఆర్ సి స్టేట్ సోషల్ మీడియా కన్వీనర్ పాముల నారాయణ సీరియస్ చర్యలు తీసుకోవాలని ప్రభుత్వాన్ని కోరారు. అద్దె గర్భాలను చట్టబద్ధంగా నియంత్రించాలని, సరగసి ముసుగులో జరుగుతున్న అకృత్యాలను నివారించేందుకు కఠిన చట్టాలు రూపొందించాలని విజ్ఞప్తి చేశారు. మహిళల రక్షణ కోసం ప్రభుత్వం కఠిన చర్యలు చేపట్టాలని సూచించారు.
తెలంగాణ రాష్ట్రంలోని రాయదుర్గంలో జరిగిన విషాద ఘటనపై జాతీయ మానవ హక్కుల కమిటీ (ఎన్ హెచ్ ఆర్ సి) స్టేట్ సోషల్ మీడియా కన్వీనర్ పాముల నారాయణ తీవ్రంగా స్పందించారు. నగరంలో ఓ రియల్ ఎస్టేట్ వ్యాపారి ఓ పేద మహిళపై లైంగిక వేధింపులకు పాల్పడిన తర్వాత ఆమె తొమ్మిదో అంతస్తు నుంచి కింద పడి మృతి చెందింది. ఈ ఘటనలో నిందితుడు మరియు అతని కుటుంబ సభ్యులు, అలాగే సరగసి ముసుగులో మధ్యవర్తులపై కఠిన చర్యలు తీసుకోవాలని నారాయణ ప్రభుత్వాన్ని కోరారు.
అద్దె గర్భం వ్యవహారాన్ని నిరోధించేందుకు ప్రభుత్వం ప్రత్యేక చట్టాలు రూపొందించాలి, మరియు ఈ విధమైన అకృత్యాలను నివారించేందుకు ప్రతి చర్య తీసుకోవాలని ఆయన విజ్ఞప్తి చేశారు. ఈ వ్యవహారంలో ప్రభుత్వాల బాధ్యత పేద కుటుంబాలకు ఆర్థిక స్వాలంబన కల్పించడం, తద్వారా ఇలాంటి దుశ్చర్యలు జరగకుండా చూడడం అని నారాయణ అన్నారు.
ఇలాంటి పరిణామాలను సమర్థవంతంగా ఎదుర్కొనేందుకు, మహిళల రక్షణ కోసం కఠిన చట్టాలు మరియు చర్యలు తీసుకోవాలని ఆయన ప్రభుత్వానికి సూచించారు. ఈ కార్యక్రమంలో స్టేట్ ఈసీ సభ్యులు బొమ్మిడాల మురళి, బేగరి నరసింహులు, రంగారెడ్డి జిల్లా ఇన్చార్జి తమ్మళ్ల ఆంజనేయులు, వికారాబాద్ జిల్లా అధ్యక్షులు కాలే సురేందర్ తదితరులు పాల్గొన్నారు.
