- బాసర శ్రీ జ్ఞాన సరస్వతి అమ్మవారి క్షేత్రంలో దేవి నవరాత్రి ఉత్సవాలు వైభవంగా కొనసాగుతున్నాయి.
- అమ్మవారు నాలుగవ రోజు కుష్మాండాదేవి అవతారంలో భక్తులకు దర్శనమిచ్చారు.
- ప్రత్యేక పూజల కోసం వివిధ ప్రాంతాల నుండి భక్తులు తరలివచ్చారు.
- ఆలయ అధికారులు భక్తుల కోసం విస్తృత ఏర్పాట్లు చేశారు.
బాసర శ్రీ జ్ఞాన సరస్వతి అమ్మవారి ఆలయంలో దేవి నవరాత్రి ఉత్సవాలు ఘనంగా జరుగుతున్నాయి. నాలుగవ రోజు అమ్మవారు కుష్మాండాదేవి అవతారంలో భక్తులకు దర్శనమిచ్చారు. గోదావరి నదిలో స్నానం చేసి, ప్రత్యేక పూజలు నిర్వహించి, భక్తులు అమ్మవారికి మొక్కులు చెల్లించారు. ఆలయ అధికారులు భక్తుల రద్దీకి అనుగుణంగా విస్తృత ఏర్పాట్లు చేశారు.
దక్షిణ భారతదేశంలోని ప్రసిద్ధ పుణ్యక్షేత్రమైన బాసర శ్రీ జ్ఞాన సరస్వతి అమ్మవారి ఆలయంలో దేవి నవరాత్రి ఉత్సవాలు వైభవోపేతంగా కొనసాగుతున్నాయి. ఉత్సవాల నాలుగవ రోజు అమ్మవారు భక్తులకు కుష్మాండాదేవి అవతారంలో దర్శనమిచ్చారు. దేవి నవరాత్రి ఉత్సవాలను పురస్కరించుకొని వివిధ ప్రాంతాల నుండి భక్తులు రోడ్డు, రైలు మార్గాల ద్వారా వచ్చి అమ్మవారి దర్శనం చేసుకుంటున్నారు.
అమ్మవారి క్షేత్రంలో ప్రవహించే పవిత్ర గోదావరి నదిలో స్నానం చేసి, అనంతరం అమ్మవారికి ప్రత్యేక పూజలు నిర్వహించి భక్తులు మొక్కులు చెల్లిస్తున్నారు. చిన్నారులకు అక్షర శ్రీకర పూజలు సైతం నిర్వహించారు. భక్తులకు ఎలాంటి ఇబ్బందులు కలగకుండా ఆలయ అధికారులు విస్తృత ఏర్పాట్లు చేయడంతో భక్తులు సులభంగా దర్శనం చేసుకుంటున్నారు. రోజురోజుకు భక్తుల రద్దీ పెరుగుతున్న నేపథ్యంలో అవసరమైన ఏర్పాట్లు చేస్తామని ఆలయ అధికారులు తెలిపారు.
