- గేమ్ ఛేంజర్ సినిమాకు తెలంగాణ ప్రభుత్వం ప్రత్యేక అనుమతులు.
- టికెట్ రేట్లు పెంపుతో పాటు అదనపు షోలకు జీవో విడుదల.
- మల్టీప్లెక్స్‌లో రూ.150, సింగిల్ స్క్రీన్ థియేటర్లలో రూ.100 పెంపు.
- జనవరి 11 నుంచి 19 వరకు అదనపు ఛార్జీల అనుమతి.
- ఫిల్మ్ డెవలప్‌మెంట్ కార్పొరేషన్ రిక్వెస్ట్‌పై నిర్ణయం.
తెలంగాణ ప్రభుత్వం గేమ్ ఛేంజర్ సినిమాకు టికెట్ రేట్లు పెంపుతో పాటు అదనపు షోలకు అనుమతి ఇచ్చింది. జనవరి 11 నుంచి 19 వరకు మల్టీప్లెక్స్‌లో రూ.100, సింగిల్ స్క్రీన్‌లో రూ.50 అదనపు ఛార్జీలకు అనుమతించింది. 10వ తేదీ నుంచి 6వ షో, 11వ తేదీ నుంచి 5వ షో ప్రదర్శనకు అనుమతి ఇచ్చింది. మెగా ఫ్యాన్స్ ఈ నిర్ణయంపై ఆనందం వ్యక్తం చేశారు.
తెలంగాణ ప్రభుత్వం గేమ్ ఛేంజర్ సినిమాకు ప్రత్యేక అనుమతులు మంజూరు చేసింది. గతంలో పుష్ప 2 ప్రీమియర్ షో సందర్భంగా టికెట్ రేట్ల పెంపు, అదనపు షోలకు అనుమతి లేదని తెలిపిన ప్రభుత్వం, తాజాగా గేమ్ ఛేంజర్ సినిమాకు వాటిని సడలిస్తూ జీవో విడుదల చేసింది.
సుమారు రూ.450 కోట్ల భారీ బడ్జెట్‌తో రూపొందిన ఈ చిత్రానికి మల్టీప్లెక్స్ థియేటర్లలో మొదటి రోజు రూ.150, సింగిల్ స్క్రీన్లలో రూ.100 అదనపు ఛార్జీల పెంపునకు అనుమతి ఇచ్చింది. జనవరి 11 నుంచి 19వ తేదీ వరకు మల్టీప్లెక్స్‌లలో రూ.100, సింగిల్ స్క్రీన్లలో రూ.50 అదనపు ఛార్జీలకు అనుమతిచ్చింది. అలాగే, రేపు 10వ తేదీ నుంచి 6వ షో, 11వ తేదీ నుంచి 5వ షో ప్రదర్శనకు కూడా ప్రభుత్వం పచ్చజెండా ఊపింది.
ఈ నిర్ణయం సినిమా పరిశ్రమ అభివృద్ధిని దృష్టిలో ఉంచుకుని తీసుకున్నట్టు తెలుస్తోంది. ఫిల్మ్ డెవలప్‌మెంట్ కార్పొరేషన్ చైర్మన్ దిల్ రాజు రిక్వెస్ట్‌ను పరిశీలించిన తర్వాత సీఎం రేవంత్ రెడ్డి ఈ నిర్ణయాన్ని తీసుకున్నారని సమాచారం.
రామ్ చరణ్ హీరోగా, కియారా అద్వాణీ, అంజలి హీరోయిన్లుగా నటించిన ఈ భారీ బడ్జెట్ చిత్రానికి స్టార్ డైరెక్టర్ శంకర్ దర్శకత్వం వహించారు. సినిమా యూనిట్ సీఎం రేవంత్ రెడ్డికి ధన్యవాదాలు తెలిపింది. ఈ సినిమా రేపు 10వ తేదీ ప్రపంచవ్యాప్తంగా విడుదలకు సిద్ధమైంది.
