- అనారోగ్యంతో బాధపడుతున్న వ్యక్తికి ఆర్థిక సహాయం
- సారంగాపూర్ ఉప అటవీ క్షేత్రాధికారి స్పందన
- మొత్తం రూ. 1,17,000/- ఆర్థిక సాయం
: సారంగాపూర్ మండలం ఉప అటవీ క్షేత్రాధికారి మొహమ్మద్ నజీర్ ఖాన్, సోషల్ మీడియా ద్వారా అనారోగ్యంతో బాధపడుతున్న రూపేష్ కు రూ. 1,17,000/- ఆర్థిక సహాయం అందించారు. బాధితుడు, కుటుంబం అందరి సహాయం, మానవత్వానికి కృతజ్ఞతలు తెలిపారు. మంగళవారం, ఈ సాయం ఆసుపత్రిలో చెల్లించి, బాధితుడిని డిశ్చార్జ్ చేశారు.
: నిర్మల్ జిల్లా సారంగాపూర్ మండలంలోని ఉప అటవీ క్షేత్రాధికారి మొహమ్మద్ నజీర్ ఖాన్, అనారోగ్యంతో బాధపడుతున్న రూపేష్ అనే వ్యక్తికి ఆర్థిక సహాయం అందించారు. రూపేష్, 6 సంవత్సరాలుగా ఆటవీ శాఖ వద్ద ప్రైవేట్ వాచర్‌గా పనిచేస్తున్నారు. ఇటీవల అనారోగ్యంతో జిల్లా కేంద్రంలోని ఆసుపత్రిలో చికిత్స పొందుతున్న ఆయన ఆర్థిక ఇబ్బందుల్లో ఉన్నారని సోషల్ మీడియా ద్వారా తెలియజేశారు.
ఈ సందర్బంగా, మొహమ్మద్ నజీర్ ఖాన్ తనతోటి స్నేహితులు, ఆఫీస్ సిబ్బందికి సమాచారమందించి, తమ వంతుగా ఆర్థిక సహాయం చేయాలని కోరారు. వారి సహాయం తో రూపేష్ కు మొత్తం రూ. 1,17,000/- ఆర్థిక సహాయం అందించి, మంగళవారం ఆసుపత్రిలో చెల్లించారు. దీంతో ఆయనను డిశ్చార్జ్ చేశారు.
బాధిత కుటుంబీకులు, సహాయం అందించిన అందరికి హృదయపూర్వక ధన్యవాదాలు తెలియజేశారు. తమకు అందించిన సహాయం మానవత్వం యొక్క ఆదర్శంగా భావిస్తున్నామని, మంచి మనసుతో, దేవునిలా ఆదుకున్నారని పేర్కొన్నారు. ఈ సంఘటనతో పలువురు ఈ సహాయాన్ని అభినందించారు.
