- టాలీవుడ్ గీత రచయిత గురుచరణ్ మృతి
- 77 ఏళ్ల వయసులో అనారోగ్యంతో కన్నుమూశారు
- ‘ముద్దబంతి పువ్వులో మూగబాసలు’ వంటి సూపర్ హిట్ పాటల రచయిత
- 200కి పైగా సినిమాలకు పాటలు రచించారు
ప్రముఖ టాలీవుడ్ గీత రచయిత గురుచరణ్ ఈ రోజు తెల్లవారుజామున అనారోగ్యంతో కన్నుమూశారు. 77 ఏళ్ల వయసులో తుది శ్వాస విడిచిన ఆయన అనేక సూపర్ హిట్ పాటలు అందించారు. ప్రముఖ నటుడు మోహన్ బాబుకు అత్యంత ఇష్టమైన రచయితగా నిలిచిన ఆయన, దాదాపు 200 సినిమాలకు పాటలు రాశారు.
: టాలీవుడ్ సినీ రంగంలో మ‌రో విషాదం చోటు చేసుకుంది. ప్రముఖ గీత రచయిత గురుచరణ్ ఈరోజు తెల్లవారుజామున 77 ఏళ్ల వయసులో తుది శ్వాస విడిచారు. గత కొంతకాలంగా అనారోగ్యంతో బాధపడుతున్న ఆయన ఈ రోజు కన్నుమూశారు. ‘ముద్దబంతి పువ్వులో మూగబాసలు’, ‘కుంతీకుమారి తన కాలుజారి’, ‘బోయవాని వేటుకు గాయపడిన కోయిలా’ వంటి ఎన్నో సూపర్ హిట్ పాటలను ఆయన రాశారు.
గురుచరణ్, ప్రముఖ నటి ఎం.ఆర్.తిలకం, దర్శకుడు మానాపురం అప్పారావుల కుమారుడిగా జన్మించారు. అసలు పేరు మానాపురపు రాజేంద్ర ప్రసాద్ కాగా, ఎంఎ వరకూ విద్యాభ్యాసం పూర్తి చేశారు. గీత రచయిత ఆచార్య ఆత్రేయ దగ్గర శిష్యరికం చేసి 200కి పైగా సినిమాలకు పాటలు రాశారు.
ప్రముఖ నటుడు మోహన్ బాబు చిత్రాలలో ఆయన రచించిన ఎన్నో మెలోడీ, అర్థవంతమైన పాటలు చిరస్థాయిగా నిలిచాయి. మోహన్ బాబుకు అత్యంత ఇష్టమైన రచయితగా ఉన్న గురుచరణ్, తన చిత్రాలకు కనీసం ఒక పాట ఆయనతో తప్పకుండా రాయించుకునేవారు.
