- గౌడ కులస్తుల MLA లకు ఎక్సైజ్ శాఖ మంత్రి పదవి డిమాండ్
- కల్లు దుకానాలపై ఎక్సైజ్ శాఖ దాడులు అరికట్టాలని విజ్ఞప్తి
- గీత కార్మికులకు హామీలు అమలు చేయాలని డిమాండ్
- కోకపేటలో గౌడ భవన్ నిర్మాణ పనులు ప్రారంభించాలని కోరినా
హైదరాబాద్‌లో గౌడజన హక్కుల పోరాట సమితి మోకుదెబ్బ సమావేశం జరిగింది. ఎక్సైజ్ శాఖ మంత్రి పదవిని గౌడ కులస్తులకు కేటాయించాలని, కల్లు దుకానాలపై దాడులను అరికట్టాలని రాష్ట్ర ప్రభుత్వాన్ని డిమాండ్ చేశారు. గత ఎన్నికల హామీలను అమలు చేయాలని, గీత కార్మికులకు నిధులు విడుదల చేయాలని, కోకపేటలో గౌడ భవన్ నిర్మాణ పనులు ప్రారంభించాలని కోరారు.
హైదరాబాద్, డిసెంబర్ 16:
హైదరాబాద్‌లో గౌడజన హక్కుల పోరాట సమితి మోకుదెబ్బ రాష్ట్ర కార్యాలయంలో సమావేశం జరిగింది. ఈ సమావేశానికి రాష్ట్ర ప్రధాన కార్యదర్శి ముత్యం నర్సింలు గౌడ్ అధ్యక్షత వహించారు. కార్యక్రమంలో మోకుదెబ్బ జాతీయ అధ్యక్షులు అమరవేణి నర్సాగౌడ్, జాతీయ సెక్రెటరీ జనరల్ రాగుల సిద్ది రాములు గౌడ్, జాతీయ అధికార ప్రతినిధి బాలసాని సురేష్ గౌడ్, ఇతర రాష్ట్ర నాయకులు పాల్గొన్నారు.
సమావేశంలో గౌడ కులస్తుల MLA లకు ఎక్సైజ్ శాఖ మంత్రి పదవి ఇవ్వాలని, గౌడ కులస్తుల పట్ల జరుగుతున్న అన్యాయాలను నిలువరించేందుకు తక్షణ చర్యలు తీసుకోవాలని డిమాండ్ చేశారు. కల్లు దుకానాలపై ఎక్సైజ్ శాఖ దాడులు అధికమవుతున్నాయని, ఈ దాడులను అరికట్టాలని అన్నారు.
గీత కార్మికుల కోసం ప్రత్యేక డిమాండ్లు:
గత ఎన్నికల సమయంలో ప్రభుత్వం ఇచ్చిన హామీలను వెంటనే అమలు చేయాలని, కోకపేటలో గౌడ భవన్ నిర్మాణ పనులు ప్రారంభించాలని కోరారు. గీత కార్మికులకు 5,000 కోట్ల నిధులు కేటాయించి పెండింగ్ ఎక్స్‌గ్రేషియా విడుదల చేయాలని సూచించారు.
ముఖ్యనేతల విజ్ఞప్తి:
తెలంగాణ ముఖ్యమంత్రి ఏనుముల రేవంత్ రెడ్డి, బీసీ శాఖ మంత్రి పొన్నం ప్రభాకర్ గౌడ్, టీపీసీసీ అధ్యక్షులు బొమ్మ మహేష్ కుమార్ గౌడ్ గార్లను ఈ డిమాండ్లను తీర్చాలని విజ్ఞప్తి చేశారు.
ఈ కార్యక్రమంలో రాష్ట్ర నాయకులు, జిల్లా అధ్యక్షులు, గౌడజన సంఘాల ప్రతినిధులు పాల్గొన్నారు.
