కుబీర్, జూన్ 30
కుబీర్ మండలంలో ప్రీ ప్రైమరీ ఉపాధ్యాయుల నియామక ప్రక్రియలో అన్యాయం జరిగిందని ఆరోపిస్తూ నవీన్–దుర్గ దంపతులు జిల్లా కలెక్టర్కు వినతిపత్రం అందజేశారు. తమ భార్యకు రావాల్సిన ఉద్యోగాన్ని మరో అభ్యర్థికి కేటాయించారని, అధికారుల నిర్లక్ష్యం, విధానపరమైన లోపాలు దీనికి కారణమని వారు ఆరోపించారు.
కుబీర్ మండలంలోని ప్రీ ప్రైమరీ ఉపాధ్యాయుల నియామక ప్రక్రియలో అన్యాయం జరిగిందని ఆరోపిస్తూ నవీన్–దుర్గ దంపతులు జిల్లా కలెక్టర్ను కలిసి వినతిపత్రం అందజేశారు. నియామక ప్రక్రియపై సమగ్ర విచారణ జరిపి న్యాయం చేయాలని వారు కోరారు.
ఈ సందర్భంగా వారు మాట్లాడుతూ తమ భార్యకు రావాల్సిన ఉద్యోగాన్ని మరో అభ్యర్థికి కేటాయించారని, అధికారుల నిర్లక్ష్యం, విధానపరమైన లోపాల వల్లే ఈ పరిస్థితి ఏర్పడిందని ఆరోపించారు.
వినతిపత్రంలో ఎంపికైన అభ్యర్థి శ్రావణి ధ్రువపత్రాల పరిశీలనకు స్వయంగా హాజరు కాలేదని, అయినప్పటికీ ఆమె అభ్యర్థిత్వాన్ని అధికారులు ఆమోదించారని పేర్కొన్నారు. అలాగే స్థానిక నివాస ధ్రువీకరణ పత్రం జారీ ప్రక్రియలో నిబంధనలు పాటించలేదని ఆరోపించారు.
తమ భార్య అన్ని అర్హతలు కలిగి ఉండటంతో పాటు మెరిట్లో ముందున్నప్పటికీ అవకాశం కోల్పోయిందని నవీన్ ఆవేదన వ్యక్తం చేశారు. నియామక ప్రక్రియలో జరిగిన ప్రతి దశను పరిశీలించి, సంబంధిత అధికారుల పాత్రపై విచారణ చేపట్టాలని కలెక్టర్ను కోరినట్లు తెలిపారు.
ఈ విషయంపై కలెక్టర్ను కలిసినప్పుడు సంబంధిత అంశాలపై జిల్లా విద్యాశాఖ అధికారి (డీఈవో) నుంచి పూర్తి వివరాలతో నివేదిక కోరుతామని తెలిపినట్లు నవీన్–దుర్గ వెల్లడించారు. నివేదిక ఆధారంగా తదుపరి చర్యలు తీసుకుంటామని కలెక్టర్ హామీ ఇచ్చారని తెలిపారు.
నియామక ప్రక్రియకు సంబంధించిన దరఖాస్తులు, ధ్రువపత్రాల పరిశీలన, మెరిట్ జాబితా, నివాస ధ్రువీకరణ, సర్టిఫికెట్ వెరిఫికేషన్ వివరాలను బహిర్గతం చేయాలని వారు డిమాండ్ చేశారు. ఏవైనా నిబంధనల ఉల్లంఘనలు జరిగినట్లు తేలితే బాధ్యులపై చర్యలు తీసుకుని అర్హులైన అభ్యర్థులకు న్యాయం చేయాలని కోరారు.
ఉపాధ్యాయ నియామకాల్లో పారదర్శకతపై ఈ ఫిర్యాదు చర్చనీయాంశంగా మారింది. విద్యాశాఖ అధికారులు ఈ ఆరోపణలపై ఇచ్చే వివరణ, డీఈవో నివేదిక అనంతరం జిల్లా యంత్రాంగం తీసుకునే నిర్ణయంపై ఆసక్తి నెలకొంది. ఈ విషయం పై డీఈఓ చరవాణి లో సంప్రదించగా సమాధానం రాలేదు.
