- మాజీ క్రికెటర్ అజారుద్దీన్‌కు ఈడీ నోటీసులు జారీ.
- హెచ్‌సిఏకి సంబంధించిన మనీలాండరింగ్ కేసులో నోటీసులు.
- 2020-2023 మధ్య నిధుల దుర్వినియోగంపై కేసు నమోదు.
హైదరాబాద్ క్రికెట్ అసోసియేషన్ మాజీ అధ్యక్షుడు అజారుద్దీన్ కు మనీలాండరింగ్ కేసులో ఈడీ నోటీసులు జారీ చేసింది. 2020-2023 మధ్య నిధుల దుర్వినియోగానికి సంబంధించి విచారణకు హాజరుకావాలని సూచించింది. అజారుద్దీన్ పై రూ.20 కోట్లను దుర్వినియోగం చేసినట్లు ఆరోపణలు ఉన్నాయి.
హైదరాబాద్ క్రికెట్ అసోసియేషన్ (హెచ్‌సిఏ) మాజీ అధ్యక్షుడు మరియు భారత మాజీ క్రికెటర్ మహ్మద్ అజారుద్దీన్‌కు ఈరోజు ఈడీ (ఎన్‌ఫోర్స్‌మెంట్ డైరెక్టరేట్) నోటీసులు పంపింది. హెచ్‌సిఏకి సంబంధించిన మనీలాండరింగ్ కేసులో అజారుద్దీన్‌కు ఈ నోటీసులు అందాయి.
అజారుద్దీన్, 2020-2023 మధ్య హెచ్‌సిఏ అధ్యక్షుడిగా ఉన్న సమయంలో రూ.20 కోట్లను ఉప్పల్ రాజీవ్ గాంధీ క్రికెట్ స్టేడియం అవసరాల కోసం కేటాయించిన నిధులను దుర్వినియోగం చేశారన్న ఆరోపణలు ఉన్నాయి. ఈ నిధులను డీజిల్ జనరేటర్లు మరియు అగ్నిమాపక పరికరాల కొనుగోళ్లకు ఉపయోగించకుండా, అక్రమ మార్గాల్లో ఉపయోగించారంటూ ఉప్పల్ పోలీస్ స్టేషన్‌లో కేసు నమోదైంది.
ఈ కేసులో అజారుద్దీన్‌ను విచారణకు గురువారం ఈడీ ఎదుట హాజరుకావాల్సిందిగా నోటీసులు జారీ చేసింది. ప్రస్తుతం ఈ అంశం క్రికెట్ వర్గాల్లో హాట్ టాపిక్‌గా మారింది.
