అయ్యప్ప స్వామి దేవాలయానికి లక్ష రూపాయల విరాళం: దేపల్లి అశోక్ గౌడ్ దంపతుల సేవా కార్యక్రమం

1. నందిగామ అయ్యప్ప స్వామి దేవాలయ పునర్నిర్మాణం కోసం లక్ష రూపాయల విరాళం అందజేత.
2. బీజేపీ జిల్లా ప్రధాన కార్యదర్శి దేపల్లి అశోక్ గౌడ్, కుటుంబ సభ్యుల ఘన సన్మానం.
3. దేవాలయ నిర్మాణంలో సహకారాన్ని అదృష్టంగా భావించిన దేపల్లి అశోక్ గౌడ్.

రంగారెడ్డి జిల్లా నందిగామ అయ్యప్ప స్వామి దేవాలయ పునర్నిర్మాణం కోసం బీజేపీ జిల్లా ప్రధాన కార్యదర్శి దేపల్లి అశోక్ గౌడ్ ఒక లక్ష రూపాయలు విరాళంగా అందజేశారు. ఈ సందర్భంగా గురుస్వామి శ్రీ గిరీషన్ సతీషన్ నాయర్ చేతులమీదుగా దేపల్లి కుటుంబాన్ని ఘనంగా సన్మానించారు. దేవాలయ కమిటీ సభ్యులు ఈ కార్యక్రమంలో పాల్గొని ధన్యవాదాలు తెలిపారు.

రంగారెడ్డి జిల్లా నందిగామ అయ్యప్ప స్వామి దేవాలయ పునర్నిర్మాణం కోసం బీజేపీ జిల్లా ప్రధాన కార్యదర్శి దేపల్లి అశోక్ గౌడ్ దంపతులు ఒక లక్ష రూపాయల విరాళం అందించారు. ఈ విరాళాన్ని గురుస్వామి శ్రీ గిరీషన్ సతీషన్ నాయర్ గారికి ఆదివారం అందజేశారు.

దేవాలయ నిర్మాణంలో తన వంతు సహకారం అందించడాన్ని అదృష్టంగా భావిస్తున్నట్లు దేపల్లి అశోక్ గౌడ్ పేర్కొన్నారు. ఈ సందర్భంగా గురుస్వామి చేతులమీదుగా దేపల్లి కుటుంబాన్ని శాలువాలతో పూలమాలతో ఘనంగా సన్మానించారు.

కార్యక్రమంలో దేవాలయ కమిటీ సభ్యులు, ఇతర ప్రముఖులు పాల్గొన్నారు. జిల్లెళ్ల బాల్ రెడ్డి, బాతుక లక్ష్మయ్య యాదవ్, బంటారం దర్శన్ గౌడ్, నరసింహులు గౌడ్ తదితరులు ఈ కార్యక్రమంలో ఉన్నారు.