నిర్మల్ జిల్లా కేంద్రంలోని బంగాల్పేట్ మహాలక్ష్మి అమ్మవారికి పట్టణానికి చెందిన వైద్యులు శుక్రవారం భక్తిశ్రద్ధలతో బోనాలు సమర్పించారు. సాంప్రదాయం ప్రకారం, కొత్త కుండలో బోనం తీసుకువచ్చి అమ్మవారికి సమర్పించి, ప్రత్యేక పూజలు నిర్వహించారు.
అమ్మవారికి ప్రత్యేక ప్రార్థనలు
రాష్ట్ర ప్రజలందరూ సుఖసంతోషాలతో ఉండాలని, సమృద్ధిగా వర్షాలు కురిసి పంటలు బాగా పండాలని అమ్మవారిని ప్రార్థించారు. ఈ బోనాల సమర్పణ కార్యక్రమంలో పలువురు వైద్యులు, వారి కుటుంబ సభ్యులు పాల్గొన్నారు.
వైద్య దంపతులకు సన్మానం
ఈ సందర్భంగా ఆలయ కమిటీ ఆధ్వర్యంలో డాక్టర్ నాళం శశికాంత్, డాక్టర్ స్వప్న దంపతులను శాలువాతో ఘనంగా సత్కరించారు. ఈ కార్యక్రమంలో ఆలయ కమిటీ సభ్యులు, స్థానికులు పాల్గొన్నారు.
