- నిజాయితీగా పనిచేస్తున్న డాక్టర్ ప్రతిమరాజ్‌పై అన్యాయ ఆరోపణలపై విమర్శ.
- నిజామాబాద్ టీడీపీ ఇంచార్జ్ ఏతొండ రాజేందర్ డిమాండ్.
- ప్రాణాలకు తెగించి సేవలందించిన డాక్టర్‌పై తప్పుడు ఆరోపణలు చేయడం అన్యాయం.
- టీఎన్డీపీ పెద్ద ఎత్తున ధర్నాకు సిద్ధం.
నిజామాబాద్ టీడీపీ ఇంచార్జ్ ఏతొండ రాజేందర్ డాక్టర్ ప్రతిమరాజ్‌ను మళ్లీ నియమించాలని డిమాండ్ చేశారు. నిజాయితీగా పనిచేసే ఆమెపై అన్యాయ ఆరోపణలు చేయడం దురదృష్టకరమని వ్యాఖ్యానించారు. కోవిడ్ సమయంలో సొంత కుటుంబానికి దూరమై సేవలందించిన ప్రతిమరాజ్‌ను తప్పుడు ఆరోపణలతో ఇబ్బంది పెట్టడాన్ని నిలదీశారు. ఆమెకు మద్దతుగా టీఎన్డీపీ ధర్నాకు సిద్ధమని ప్రకటించారు.
కోటగిరి, జనవరి 20:
నిజామాబాద్ పార్లమెంట్ తెలుగు యువత ఇంచార్జ్ ఏతొండ రాజేందర్ డాక్టర్ ప్రతిమరాజ్‌ను మళ్లీ నియమించాలని డిమాండ్ చేశారు. ఆయన మాట్లాడుతూ, “నిజాయితీగా పనిచేస్తూ ప్రజల మన్నన పొందిన డాక్టర్ ప్రతిమరాజ్‌పై కొన్ని కక్షపూరిత ఆరోపణలు చేయడం చాలా దురదృష్టకరం. ఆమె నిత్యం హాస్పిటల్‌కు వచ్చే ప్రజల కోసం నిద్రలేని రాత్రులు గడిపిన వ్యక్తి. కోవిడ్ సమయంలో ఆమె సొంత కుటుంబానికి దూరమై ప్రాణాలకు తెగించి సేవలు అందించారు” అని అన్నారు.
డాక్టర్ ప్రతిమరాజ్ చేసిన సేవలను చూసి కొంతమంది నేతలు అసూయతో తప్పుడు ఆరోపణలు చేస్తున్నారని మండిపడ్డారు. “జిల్లా ప్రజలు ఆమెను అమ్మలా భావిస్తారు. ఆమె అభివృద్ధి చేసిన జిల్లా హాస్పిటల్‌ను చూసి కడుపుమంటతో కొన్ని తప్పుడు ఆరోపణలు చేయడం బాధాకరం” అని అన్నారు.
తెలంగాణ తెలుగుదేశం పార్టీ ఆధ్వర్యంలో జిల్లా హాస్పిటల్ ముందు పెద్ద ఎత్తున ధర్నా నిర్వహిస్తామని, జిల్లా కలెక్టర్‌ను కలిసి ఈ విషయమై వినతి పత్రం అందజేస్తామని రాజేందర్ తెలిపారు. నిజాయితీగా పనిచేసే ప్రతిమరాజ్‌ను మళ్లీ నియమించాలని ఆయన డిమాండ్ చేశారు.
