- ‘దానా’ తుపాను ప్రభావంతో దక్షిణ మధ్య రైల్వే అప్రమత్తం
- 23, 24, 25, 27 తేదీల్లో 41 రైళ్లు రద్దు
- గాలుల వేగం గంటకు 60 కిమీగా ఉంటుందని మేఘవిజ్ఞాన కేంద్రం హెచ్చరిక
‘దానా’ తుపాను ప్రభావంతో దక్షిణ మధ్య రైల్వే 41 రైళ్లను రద్దు చేసింది. అక్టోబర్ 23, 24, 25, 27 తేదీల్లో సర్వీసులు అందించాల్సిన రైళ్లు రద్దయినట్లు ప్రకటించారు. గాలుల వేగం గంటకు 60 కిలోమీటర్ల వరకు చేరుతుందని వాతావరణ శాఖ పేర్కొంది. మత్స్యకారులకు సముద్రంలో వెళ్ళకూడదని హెచ్చరికలు జారీ అయ్యాయి.
‘దానా’ తుపాను ప్రభావంతో దక్షిణ మధ్య రైల్వే అప్రమత్తమైంది. ఆర్‌ఐసీ కింద మొత్తం 41 రైళ్లను రద్దు చేసింది. అక్టోబర్ 23, 24, 25, 27 తేదీలలో రద్దు చేసిన రైళ్ల వివరాలను ద.మ.రైల్వే సీపీఆర్వో ఎ.శ్రీధర్‌ ఓ ప్రకటనలో వెల్లడించారు. రద్దయిన రైళ్లలో ఎక్కువగా హావ్‌డా, భువనేశ్వర్‌, ఖరగ్‌పుర్‌, పూరీ వంటి ప్రాంతాల నుంచి ఇతర ప్రాంతాలకు సర్వీసులు అందించే రైళ్లు ఉన్నాయని పేర్కొన్నారు.
తుపాను కారణంగా అక్టోబర్ 23 నుంచి ఒడిశా తీర ప్రాంతాల్లో గంటకు 60 కిలోమీటర్ల వేగంతో గాలులు వీస్తాయని, వర్షాలు కురుస్తాయని గోపాల్‌పుర్‌ వాతావరణ అధ్యయన కేంద్రం అధికారులు చెప్పారు. సముద్రంలో కెరటాల ఉద్ధృతి తీవ్రంగా ఉండడంతో, మత్స్యకారులు చేపల వేటకు వెళ్లొద్దని కూడా హెచ్చరికలు జారీ చేశారు.
