ముఖ్య అంశం 3

వివాహేతర బంధం, అప్పుల వివాదం: దంపతులను హత్య చేసి పూడ్చిపెట్టిన కానిస్టేబుల్ సూర్యాపేట జిల్లాలో దారుణం వెలుగు చూసింది.

Crime

వివాహేతర బంధం, అప్పుల వివాదం: దంపతులను హత్య చేసి పూడ్చిపెట్టిన కానిస్టేబుల్

16 ఆగస్టు, 20262 నిమిషాల పఠనం75 వ్యూస్

రచయిత

madhav rao patel

వివాహేతర బంధం, అప్పుల వివాదం: దంపతులను హత్య చేసి పూడ్చిపెట్టిన కానిస్టేబుల్

సారాంశం

సూర్యాపేట జిల్లాలో దారుణం వెలుగు చూసింది. కుమార్తె పంచాయితీ విషయంలో పరిచయమైన కానిస్టేబుల్, వివాహేతర సంబంధం, అప్పుల వివాదం నేపథ్యంలో ఓ దంపతులను హత్య చేసి పూడ్చిపెట్టాడు. ఈ ఘటన స్థానికంగా తీవ్ర సంచలనం సృష్టించింది.

ముఖ్య విషయాలు

మోతె మండలం బిక్యాతండాకు చెందిన హలావత్ నాగులు (48), బూబా (41) దంపతులు మండల కేంద్రంలో వ్యవసాయ భూమిని కౌలుకు తీసుకుని జీవనం సాగిస్తున్నారు.
3 లక్షలు అప్పుగా తీసుకుంది.
వివాహేతర బంధం, అప్పుల వివాదం: దంపతులను హత్య చేసి పూడ్చిపెట్టిన కానిస్టేబుల్ సూర్యాపేట జిల్లాలో దారుణం వెలుగు చూసింది.
కుమార్తె పంచాయితీ విషయంలో పరిచయమైన కానిస్టేబుల్, వివాహేతర సంబంధం, అప్పుల వివాదం నేపథ్యంలో ఓ దంపతులను హత్య చేసి పూడ్చిపెట్టాడు.

సూర్యాపేట, 2026-06-05

కుమార్తె పంచాయితీ విషయమై పోలీస్స్టేషన్కు వెళ్లిన దంపతులను, వివాహేతర సంబంధం, అప్పుల వివాదం నేపథ్యంలో ఓ పోలీస్ కానిస్టేబుల్ అత్యంత కిరాతకంగా హత్య చేసి పూడ్చిపెట్టిన ఘటన సూర్యాపేట జిల్లాలో వెలుగు చూసింది. ఈ కేసు వివరాలను జిల్లా ఎస్పీ నరసింహ శుక్రవారం మీడియా సమావేశంలో వెల్లడించారు. మోతె మండలం బిక్యాతండాకు చెందిన హలావత్ నాగులు (48), బూబా (41) దంపతులు మండల కేంద్రంలో వ్యవసాయ భూమిని కౌలుకు తీసుకుని జీవనం సాగిస్తున్నారు.

వివాహేతర సంబంధం, అప్పుల వివాదం

వీరి కుమార్తె కుటుంబ కలహాల కారణంగా నాగులు, బూబా తరచూ పోలీస్స్టేషన్కు వెళ్లేవారు. ఈ క్రమంలో బూబాకు అక్కడ కానిస్టేబుల్గా పనిచేస్తున్న ఎండీ షరీఫ్తో పరిచయం ఏర్పడి, అది వివాహేతర సంబంధానికి దారితీసింది. ఈ సమయంలో అల్లుడికి డబ్బులు ఇవ్వాల్సి రావడంతో బూబా.. షరీఫ్ వద్ద రూ. 3 లక్షలు అప్పుగా తీసుకుంది. ఇటీవల షరీఫ్కు వేరే యువతితో వివాహం నిశ్చయమైంది. దీంతో తాను ఇచ్చిన అప్పును వెంటనే తిరిగి ఇవ్వాలని బూబాను షరీఫ్ పలుమార్లు డిమాండ్ చేశాడు. ఆమె డబ్బులు ఇవ్వకపోగా, తమ మధ్య ఉన్న వివాహేతర సంబంధం విషయాన్ని తన కాబోయే భార్యకు చెబుతానని బెదిరించింది.

హత్యకు పథకం

తన పెళ్లికి ఈ దంపతులు అడ్డంకిగా మారుతారనే కక్షతో వారిని అడ్డు తొలగించుకోవాలని షరీఫ్ పథకం పన్నాడు. గొర్రెల రుణం ఇప్పిస్తానని బూబాను నమ్మించాడు. బ్యాంకు అధికారులు పరిశీలనకు వస్తారని చెప్పి షెడ్డు, గొర్రెలను సిద్ధం చేయాలని నాగులను కోరాడు.

దారుణ హత్యలు

ఈ నెల 11న రాత్రి పది గంటల ప్రాంతంలో షెడ్డు పరిశీలనకు వెళ్లిన సమయంలో, గొర్రెల ఎరువు కోసం తీసిన గుంతను చూపిస్తుండగా షరీఫ్ కర్రతో నాగులుపై తీవ్రంగా దాడి చేసి హత్య చేశాడు. అనంతరం ఆ మృతదేహాన్ని గుంతలోనే పూడ్చిపెట్టాడు. ఈ దారుణానికి సహకరించిన సుందర్ అనే వ్యక్తి ద్వారా బూబాను కూడా అక్కడికి రప్పించి, భర్త కనిపించడం లేదని ఆమె కేకలు వేయడంతో అదే కర్రతో ఆమెను కూడా హతమార్చాడు.

పోలీసుల దర్యాప్తు, అరెస్ట్

మరుసటి రోజు షరీఫ్ యథావిధిగా తన విధులకు హాజరయ్యాడు. హత్యల ఉదంతం బుధవారం వెలుగులోకి రావడంతో, పోలీసు బృందంతో కలిసి స్వయంగా తానే ఘటనా స్థలాన్ని పరిశీలించినట్లు నటించాడు. అయితే సాంకేతిక పరిజ్ఞానం, సీసీటీవీ ఫుటేజ్ల ఆధారంగా దర్యాప్తు చేపట్టిన పోలీసులు ముందుగా సుందర్ను అదుపులోకి తీసుకుని విచారించగా అసలు నిజాలు బయటపడ్డాయి. గురువారం సాయంత్రం కొత్త బస్టాండ్ వద్ద నిందితుడు షరీఫ్ను కూడా అరెస్ట్ చేశారు.

అభినందనలు