కుబీర్ మండల పరిధిలోని వీరేగాం గ్రామ శివార్లలో వ్యవసాయ భూమిలో గంజాయి మొక్కలను సాగు చేస్తున్నారన్న సమాచారంతో పోలీసులు తనిఖీలు చేపట్టి, ఒక వ్యక్తిని అదుపులోకి తీసుకున్నారు.
పోలీసులకు అందిన విశ్వసనీయ సమాచారం మేరకు, వీరేగాం గ్రామ శివార్లలోని ఒక వ్యవసాయ క్షేత్రంలో గంజాయి మొక్కలను సాగు చేస్తున్నట్లు గుర్తించారు. వెంటనే రంగంలోకి దిగిన పోలీసులు, అక్కడ మొక్కలను పెంచుతున్న వ్యక్తిని అదుపులోకి తీసుకున్నారు.
నిందితుడిపై నార్కోటిక్ డ్రగ్స్ అండ్ సైకోట్రోపిక్ సబ్స్టాన్సెస్ (NDPS) చట్టం కింద కేసు నమోదు చేసినట్లు పోలీసులు తెలిపారు. అరెస్ట్ చేసిన నిందితుడిని రిమాండ్కు తరలించే ప్రక్రియ జరుగుతుందని వారు వెల్లడించారు.
జిల్లా వ్యాప్తంగా మాదక ద్రవ్యాల నిర్మూలనకు ప్రత్యేక చర్యలు కొనసాగుతున్నాయని, గంజాయి, ఇతర మత్తు పదార్థాల సాగు, రవాణా, విక్రయాలపై కఠినంగా వ్యవహరిస్తామని పోలీసులు స్పష్టం చేశారు. అనుమానాస్పద కార్యకలాపాలపై సమాచారం అందిస్తే తక్షణమే స్పందిస్తామని తెలిపారు.
ఈ దాడులు మరియు తదుపరి దర్యాప్తు నిర్మల్ జిల్లా ఎస్పీ డా. జి. జానకి శర్మిల ఆదేశాల మేరకు, ఏఎస్పీ భైంసా సాయి కిరణ్ పర్యవేక్షణలో, సీఐ ప్రవీణ్ కుమార్, కుబీర్ ఎస్ఐ శ్రీనివాస్ మరియు ఇతర పోలీసు సిబ్బంది సమన్వయంతో చేపట్టారు.
