బైంసా పట్టణంలో బీఆర్ఎస్ పార్టీ ముధోల్ ఇంచార్జి విలాస్ గాదేవార్ మాట్లాడుతూ, కేంద్ర మంత్రి బండి సంజయ్ కుమారుడు భగీరథ్పై నమోదైన కేసులో పోలీసులు అరెస్ట్ చేయడంలో జాప్యం చేస్తున్నారని ఆరోపించారు. ఈ విషయంలో బండి సంజయ్ రాజీనామా చేయాలని డిమాండ్ చేశారు.
బైంసాలోని బీఆర్ఎస్ పార్టీ కార్యాలయంలో ఏర్పాటు చేసిన విలేకరుల సమావేశంలో, విలాస్ గాదేవార్ మాట్లాడుతూ, భగీరథ్పై కేసు నమోదు చేసినా అరెస్ట్ చేయకపోవడంపై తీవ్ర అభ్యంతరం వ్యక్తం చేశారు. కేంద్ర హోంశాఖ సహాయ మంత్రి బండి సంజయ్, రాష్ట్ర ముఖ్యమంత్రి రేవంత్ రెడ్డితో కలిసి కేసును నీరుగార్చే ప్రయత్నం చేస్తున్నారని ఆరోపించారు.
మైనర్ బాలికకు న్యాయం చేయకుండా, బండి సంజయ్ కుమారుడిని రక్షించేందుకు ప్రయత్నాలు జరుగుతున్నాయని ఆయన విమర్శించారు. పేదలకు ఒక న్యాయం, ధనవంతులకు మరో న్యాయమా అని ప్రశ్నించారు.
జరిగిన ఘటనపై కేంద్ర మంత్రి బండి సంజయ్ తన పదవికి వెంటనే రాజీనామా చేయాలని గాదేవార్ డిమాండ్ చేశారు. ముఖ్యమంత్రి రేవంత్ రెడ్డి ఈ వ్యవహారాన్ని సీరియస్గా తీసుకుని, బాధితుల కుటుంబానికి న్యాయం చేయాలని కోరారు.
బీఆర్ఎస్ పార్టీ తరపున బాధితులకు మద్దతుగా పోరాటం చేస్తామని ఆయన స్పష్టం చేశారు. ఈ కార్యక్రమంలో అజీజ్ ఖురేషి, సుంకేట పోశెట్టి, మైపాల్, సజన్ రాజ్కుమార్ తదితరులు పాల్గొన్నారు.
