నిర్మల్ ఆదర్శ నగర్‌లో చెత్త పేరుకుపోవడం, దుర్గంధంతో ప్రజల ఇబ్బందులు

కాలనీలో కుప్పలుగా పేరుకుపోయిన చెత్త, సరిగా లేని డ్రైనేజీ వ్యవస్థల వల్ల దుర్గంధం వ్యాపిస్తోందని, ఇది ప్రజల ఆరోగ్యంపై తీవ్ర ప్రభావం చూపుతుందని నివాసితులు తెలిపారు. దోమలు, ఇతర కీటకాల బెడద కూడా పెరిగిందని వారు పేర్కొన్నారు.

గత కొంతకాలంగా ఈ సమస్య కొనసాగుతున్నప్పటికీ, మున్సిపల్ అధికారులు పట్టించుకోవడం లేదని, పలుమార్లు ఫిర్యాదు చేసినా ఎటువంటి స్పందన లభించలేదని స్థానికులు ఆరోపించారు. సమస్య పరిష్కారానికి అధికారులు తక్షణ చర్యలు తీసుకోవాలని వారు డిమాండ్ చేశారు.

నూతనంగా ఎన్నికైన మున్సిపల్ పాలక మండలి ఈ సమస్యపై దృష్టి సారించి, చెత్త తొలగింపు, డ్రైనేజీ వ్యవస్థల మరమ్మత్తు పనులు చేపట్టాలని కాలనీ వాసులు కోరుతున్నారు. లేనిపక్షంలో నిరసన కార్యక్రమాలు చేపడతామని హెచ్చరించారు.