హేమ్లే ప్రసంజీత్‌కు గౌరవ డాక్టరేట్: సామాజిక సేవలకు గుర్తింపు

ఇంటర్నేషనల్ లూసియానా రీసెర్చ్ యూనివర్సిటీ ఆధ్వర్యంలో పూణేలోని ఆలంది దేవాచి పరివార్ బ్యాంక్వెట్ హాల్‌లో ఈ కార్యక్రమం నిర్వహించబడింది. బౌద్ధ ధమ్మ ప్రచారం, విపశ్యన, బాలల విద్య ప్రోత్సాహం, చెడు వ్యసనాల నివారణ, లైఫ్ ఇన్సూరెన్స్ అవగాహన, సామాజిక మరియు విద్యారంగాల్లో ఆయన చేసిన విశేష సేవలకు గాను ఈ గౌరవం లభించింది.

ఈ కార్యక్రమంలో విశ్వవిద్యాలయ డైరెక్టర్ డాక్టర్ అన్ను కృష్ణ, రిటైర్డ్ కలెక్టర్ డా. సాంబ మోతీరామ్ సర్కుండే, రిటైర్డ్ ఆర్మీ కెప్టెన్ డా. సుమిత్ సేన్, రిటైర్డ్ కోర్టు జడ్జి శివదాస్ మహాజన్ తదితరులు పాల్గొన్నారు. వీరంతా హేమ్లే ప్రసంజీత్‌ను ఘనంగా సన్మానించారు.

ఈ సందర్భంగా ప్రసంజీత్ మాట్లాడుతూ, ఈ గౌరవం తన సేవలకు మరింత ప్రేరణగా నిలుస్తుందని, సమాజ చైతన్యం కోసం సేవా కార్యక్రమాలను కొనసాగిస్తానని పేర్కొన్నారు. నిర్వాహకులకు ఆయన కృతజ్ఞతలు తెలిపారు. కార్యక్రమంలో సాంస్కృతిక కార్యక్రమాలు, కవి సమ్మేళనం, ఏకపాత్రాభినయం, నాటికలు కూడా నిర్వహించారు.