- వినాయక నిమజ్జన ప్రాంతం పరిశీలన
- క్రమపద్ధతిలో నిమజ్జనం, వినాయక విగ్రహాల వాహనాలకు మాత్రమే అనుమతి
- సురక్షిత లైటింగ్, పారిశుద్ధ్య పనులు, క్రేన్ల ఏర్పాటు
నిర్మల్ జిల్లా కలెక్టర్ అభిలాష అభినవ్ వినాయక నిమజ్జనానికి పకడ్బందీ ఏర్పాట్లు చేయాలని అధికారులను ఆదేశించారు. బంగల్ పేట్ చెరువు ప్రాంతాన్ని అదనపు కలెక్టర్ ఫైజాన్ అహ్మద్ తో కలిసి పరిశీలించారు. వినాయక విగ్రహాల వాహనాలకు మాత్రమే అనుమతి ఇవ్వాలని, చెరువు నీరు కలుషితం కాకుండా చర్యలు తీసుకోవాలని, లైటింగ్, పారిశుద్ధ్య పనులు పకడ్బందీగా నిర్వహించాలని సూచించారు.
నిర్మల్ జిల్లా కలెక్టర్ అభిలాష అభినవ్ వినాయక నిమజ్జనానికి పకడ్బందీగా ఏర్పాట్లు చేయాలని మంగళవారం అధికారులను ఆదేశించారు. అదనపు కలెక్టర్ ఫైజాన్ అహ్మద్ తో కలిసి బంగల్ పేట్ చెరువు ప్రాంతాన్ని పరిశీలించారు. కలెక్టర్ మాట్లాడుతూ, వినాయక నిమజ్జనాన్ని ఎలాంటి ఇబ్బందులు లేకుండా సజావుగా నిర్వహించడానికి క్రమపద్ధతిలో చర్యలు తీసుకోవాలని అన్నారు. వినాయక విగ్రహాల వాహనాలకు మాత్రమే అనుమతి ఇవ్వాలని, చెరువు నీరు కలుషితం కాకుండా వెంటనే పారిశుద్ధ్య పనులు నిర్వహించాలని సూచించారు.
విద్యుత్ వైర్లు ప్రమాదకరంగా లేకుండా ప్రత్యేక జాగ్రత్తలు తీసుకోవాలని, రాత్రి వేళల్లో లైటింగ్ ఏర్పాటు చేయాలని కలెక్టర్ ఆదేశించారు. నిమజ్జనం ప్రాంతంలో క్రేన్లు ఏర్పాటు చేయాలనీ, పటిష్టమైన పోలీసు బందోబస్తు ఉండాలని చెప్పారు. అంబులెన్స్, వైద్య సిబ్బంది, అగ్నిమాపక సిబ్బంది అన్ని సమయాల్లో అందుబాటులో ఉండాలని తెలిపారు. ఈ కార్యక్రమంలో స్థానిక సంస్థల అదనపు కలెక్టర్ ఫైజాన్ అహ్మద్, వైద్య అధికారి డాక్టర్ రాజేందర్, మునిసిపల్ కమిషనర్ రాజు, తహసిల్దార్లు రాజు, సంతోష్, ఇతర అధికారులు పాల్గొన్నారు.
