బోథ్ (మనోరంజని తెలుగు టైమ్స్) జూన్ 30
సోనాలా మండలంలో వందలాది మందికి ఉపాధి కల్పిస్తున్న దేశాయ్ బీడీ కంపెనీని తరలించవద్దని కార్మికులు కోరారు. కంపెనీ తరలింపుతో వందలాది కుటుంబాలు ఉపాధి కోల్పోయి ఆర్థిక ఇబ్బందులు ఎదుర్కొంటాయని ఆవేదన వ్యక్తం చేశారు. ఈ మేరకు బీఆర్ఎస్ గ్రామ కమిటీ అధ్యక్షులు పసుపునుటి చిన్నయ్యకు వినతిపత్రం అందించారు.
సోనాలా మండల కేంద్రంలో ఎన్నో సంవత్సరాలుగా వందలాది మంది కార్మికులకు ప్రత్యక్షంగా, పరోక్షంగా ఉపాధి కల్పిస్తున్న దేశాయ్ బీడీ కంపెనీని ఇతర ప్రాంతానికి తరలించే నిర్ణయాన్ని వెంటనే వెనక్కి తీసుకోవాలని కార్మికులు కోరారు. ఈ మేరకు మంగళవారం కంపెనీ కార్మికులు బీఆర్ఎస్ సోనాలా గ్రామ కమిటీ అధ్యక్షులు పసుపునుటి చిన్నయ్యకు వినతిపత్రం అందజేశారు.
ఈ సందర్భంగా కార్మికులు మాట్లాడుతూ కంపెనీ తరలిస్తే వందలాది కుటుంబాలు ఉపాధిని కోల్పోయి ఆర్థిక ఇబ్బందులు ఎదుర్కోవాల్సి వస్తుందని ఆవేదన వ్యక్తం చేశారు. సోనాలా మండలంలో కొత్త పరిశ్రమలు రావాల్సిన సమయంలో ఉన్న పరిశ్రమలను తరలించడం అభివృద్ధికి నష్టం కలిగిస్తుందని పేర్కొన్నారు.
కార్మికుల జీవన పరిస్థితులను దృష్టిలో ఉంచుకుని కంపెనీ యాజమాన్యం తరలింపు నిర్ణయాన్ని పునఃపరిశీలించి రద్దు చేయాలని విజ్ఞప్తి చేశారు.
వినతిపత్రాన్ని స్వీకరించిన పసుపునుటి చిన్నయ్య కార్మికులకు అండగా ఉంటామని తెలిపారు. ఈ సమస్యను ఎమ్మెల్యే అనిల్ జాదవ్ దృష్టికి తీసుకెళ్లడంతో పాటు మాజీ ఎంపీపీ తులా శ్రీనివాస్తో చర్చించి కంపెనీ యాజమాన్యంపై ఒత్తిడి తీసుకొచ్చేందుకు కృషి చేస్తామని హామీ ఇచ్చారు.
మండలంలో ఉన్న పరిశ్రమలు కొనసాగడంతో పాటు కొత్త పరిశ్రమలు రావాల్సిన అవసరం ఉందని, అప్పుడే స్థానిక యువతకు ఉపాధి అవకాశాలు పెరుగుతాయని పేర్కొన్నారు.
ఈ కార్యక్రమంలో ఉపసర్పంచ్ తులా శ్రీకాంత్, మాజీ ఎంపీటీసీ లంక లలిత, ఇర్ల అభిలాష్, బత్తుల రమేష్, గాజుల సుగుణకర్, కోస్మెట్టి శరత్, తులా హరీష్ తదితరులు పాల్గొన్నారు.
