ఖానాపూర్ మండలంలోని బావాపూర్ (ఆర్) గ్రామంలో వ్యవసాయ బావిలో ట్రాక్టర్ దూసుకెళ్లి డ్రైవర్ మృతి చెందిన విషాదకర సంఘటన చోటుచేసుకుంది. ఈ ఘటనలో మామిడిపల్లి గంగాధర్ (43) అనే వ్యక్తి అక్కడికక్కడే మరణించాడు.
ఖానాపూర్ మండలంలోని పెంబి పోలీస్ స్టేషన్ పరిధిలో గల బావాపూర్ (ఆర్) గ్రామంలో వ్యవసాయ పంట పొలంలో కేజీ విల్ వాహనాన్ని నడుపుతున్న డ్రైవర్ మామిడిపల్లి గంగాధర్ (43) ప్రమాదవశాత్తు వాహనం అదుపుతప్పడంతో పక్కనే ఉన్న వ్యవసాయ బావిలోకి దూసుకెళ్లింది. ఈ దుర్ఘటనలో నీట మునిగి గంగాధర్ అక్కడికక్కడే మృతి చెందాడు.
కుటుంబ నేపథ్యం
మృతుడు గంగాధర్ జగిత్యాల జిల్లా కోరుట్ల మండలం యూసుఫ్ నగర్ కు చెందినవాడు. అతనికి ఇద్దరు భార్యలు, ముగ్గురు కూతుళ్లు, ఒక కుమారుడు ఉన్నట్లు తెలిసింది. ఈ ఘటనతో అతని కుటుంబం తీవ్ర విషాదంలో మునిగిపోయింది.
పోలీసుల దర్యాప్తు
ఈ ఘటనపై పెంబి ఎస్ఐ హనుమండ్లు కేసు నమోదు చేసుకుని దర్యాప్తు చేస్తున్నట్లు తెలిపారు. ప్రమాదానికి గల కారణాలపై పోలీసులు ఆరా తీస్తున్నారు.
