- జిల్లాలోని పలు ప్రాథమిక ఆరోగ్య కేంద్రాల ఆకస్మిక తనిఖీ
- సిబ్బంది హాజరు, మందుల నిలువలు, రోగులకు అందుతున్న సేవల పరిశీలన
- ప్రసవాల సంఖ్య పెంచాలని వైద్య అధికారులకు సూచనలు
- జాతీయ నాణ్యత ప్రమాణాల అమలుపై క్షేత్రస్థాయి సమీక్ష
జిల్లాలోని పలు పల్లె దవాఖానలను జిల్లా వైద్య మరియు ఆరోగ్యశాఖ అధికారి డాక్టర్ కేవీ స్వరాజ్యలక్ష్మి ఆకస్మికంగా తనిఖీ చేశారు. తెలకపల్లి మండలంలోని చిన్న ముద్దునూర్, గౌరవరం, రఘుపతి పేట ఆరోగ్య కేంద్రాలలో సిబ్బంది హాజరు, మందుల నిలువలను పరిశీలించి, ప్రసవాల సంఖ్య పెంచాలని సూచించారు. జాతీయ నాణ్యత ప్రమాణాల అమలుపై సమీక్ష నిర్వహించారు.
జిల్లాలో వైద్య ఆరోగ్యశాఖ ఆధ్వర్యంలో నిర్వహిస్తున్న పలు పల్లె దవాఖానలను జిల్లా వైద్య మరియు ఆరోగ్యశాఖ అధికారి డాక్టర్ కేవీ స్వరాజ్యలక్ష్మి మంగళవారం ఆకస్మిక తనిఖీ నిర్వహించారు. ఈ తనిఖీలలో తెలకపల్లి మండలంలోని చిన్న ముద్దునూర్, గౌరవరం, రఘుపతి పేట పి.హెచ్.సిలను సందర్శించారు. అక్కడ సిబ్బంది హాజరు పట్టికలు, రోగులకు అందిస్తున్న సేవలు, మందుల నిలువులను పరిశీలించారు.
తెలకపల్లి, రఘుపతి పేట ఆరోగ్య కేంద్రాల్లో ప్రసవాల సంఖ్యను పెంచే విధంగా చర్యలు తీసుకోవాలని వైద్యాధికారులను ఆదేశించారు. అనంతరం కల్వకుర్తి మండలంలోని ఎల్లికల్ పల్లె దవాఖానను పరిశీలించి, జాతీయ నాణ్యత హామీ ప్రమాణాల అమలుపై వర్చువల్ సమావేశంలో పాల్గొన్నారు.
ఈ తనిఖీల్లో డిప్యూటీ డీఎంహెచ్ఓ డాక్టర్ భీమా నాయక్, వైద్య అధికారి డాక్టర్ అతావుల్లా ఖాన్, డిపిఓ రేనయ్య, క్లస్టర్ సిబ్బంది, ఎంఎల్‌హెచ్‌పిలు, పర్యవేక్షణ సిబ్బంది, మహిళా ఆరోగ్య కార్యకర్తలు, ఆశా కార్యకర్తలు పాల్గొన్నారు.
