ప్రధమ చికిత్స వైద్యుల స్వచ్ఛంద సేవా సంఘం ఎన్జీవో ఆధ్వర్యంలో ఉచిత వైద్య పరీక్షల శిబిరం

• పెగడపల్లి మండలంలో ఉచిత వైద్య పరీక్షల శిబిరం నిర్వహణ
• 100 మందికి డయాబెటిక్ మరియు బిపి పరీక్షలు
• పాజిటివ్ వచ్చిన వారిని ప్రభుత్వ ప్రాథమిక ఆరోగ్య కేంద్రాలకు రిఫర్
• వైద్యుల అవగాహన కార్యక్రమం

జగిత్యాల జిల్లా పెగడపల్లి మండలంలోని కీచులాటపల్లి గ్రామంలో శనివారం ఉచిత వైద్య పరీక్షల శిబిరం నిర్వహించారు. 100 మందికి పైగా డయాబెటిక్, బిపి పరీక్షలు నిర్వహించి, పాజిటివ్ వచ్చిన వారికి సంబంధిత ఆరోగ్య కేంద్రాలకు రిఫర్ చేశారు. ప్రథమ చికిత్స వైద్యుల స్వచ్ఛంద సేవా సంఘం (FAHNPA NGO) సభ్యులు గ్రామస్తులకు అవగాహన కల్పించారు.

జగిత్యాల, జనవరి 11:

పెగడపల్లి మండలంలోని కీచులాటపల్లి గ్రామంలో శనివారం, ప్రధమ చికిత్స వైద్యుల స్వచ్ఛంద సేవా సంఘం (FAHNPA NGO) ఆధ్వర్యంలో ఉచిత వైద్య పరీక్షల శిబిరం నిర్వహించారు. ఈ కార్యక్రమం, గ్రామ తాజా మాజీ సర్పంచ్ రాచకొండ ఆనంద్ సహకారంతో స్థానిక గ్రామపంచాయతీ కార్యాలయంలో నిర్వహించబడింది.

శిబిరంలో 100 మందికి పైగా డయాబెటిక్ మరియు బిపి పరీక్షలు నిర్వహించబడ్డాయి. పరీక్షల్లో పాజిటివ్ వచ్చిన వారికి సంబంధిత ప్రభుత్వ ప్రాథమిక ఆరోగ్య కేంద్రాలకు రిఫర్ చేశారు. పరీక్షల అనంతరం, డాక్టర్ సలహాతో మందులు వాడాలని, వాటి వాడకం గురించి గ్రామస్తులకు అవగాహన కల్పించారు.

ఈ కార్యక్రమంలో FAHNPA NGO జాతీయ వ్యవస్థాపక అధ్యక్షులు సిరిమల్లె మల్లేశం, జాతీయ అధ్యక్షులు సయ్యద్ నిజాముద్దీన్, జాతీయ ప్రధాన కార్యదర్శి మంద వేణుగోపాల్ గౌడ్, ల్యాబ్ టెక్నీషియన్ ఎం. మనోజ్ తదితరులు పాల్గొన్నారు.