: ప్రజలకు ఇబ్బందులు కలగకుండా చర్యలు చేపట్టాలని మంత్రి దుద్దిళ్ళ శ్రీధర్ బాబు ఆదేశం

1. నిర్మల్ జిల్లాలో భారీ వర్షాలు ప్రజలకు ఇబ్బందులు కలగకుండా చర్యలు.
2. వర్షాల నేపథ్యంలో సహాయక చర్యలపై సమీక్ష.
3. ప్రజల ఆరోగ్య భద్రత కోసం వైద్యసేవలు, పారిశుద్ధ్యంపై ప్రత్యేక దృష్టి.

: నిర్మల్ జిల్లాలో కురుస్తున్న భారీ వర్షాల కారణంగా ప్రజలకు ఎటువంటి ఇబ్బందులు కలగకుండా అన్ని రకాల చర్యలు తీసుకోవాలని మంత్రి దుద్దిళ్ళ శ్రీధర్ బాబు అధికారులను ఆదేశించారు. వర్షాల వలన కడెం ప్రాజెక్టును రక్షించేందుకు 10 కోట్ల రూపాయల మరమ్మత్తులు చేపట్టినట్లు వెల్లడించారు. ఈ సమావేశంలో రోడ్లు, డ్రైనేజీలు, బ్రిడ్జిలు సహా అనేక సమస్యలపై సమీక్ష నిర్వహించారు.

 నిర్మల్ జిల్లాలో కురుస్తున్న భారీ వర్షాల నేపథ్యంలో ప్రజలకు ఎటువంటి ఇబ్బందులు కలగకుండా అన్ని రకాల చర్యలు చేపట్టాలని రాష్ట్ర ఐటీ, పరిశ్రమల శాఖ మంత్రి దుద్దిళ్ళ శ్రీధర్ బాబు అధికారులను ఆదేశించారు. సోమవారం రాత్రి ఖానాపూర్ పట్టణంలోని ఎమ్మెల్యే క్యాంపు కార్యాలయంలో ఆయన వివిధ శాఖల అధికారులతో సమావేశం నిర్వహించారు.

ఈ సందర్భంగా మంత్రి శ్రీధర్ బాబు మాట్లాడుతూ, కడెం ప్రాజెక్టును రక్షించేందుకు 10 కోట్ల రూపాయల నిధులను వినియోగించి గేట్లు, ఇతర మరమ్మత్తు పనులను పూర్తి చేసినట్లు తెలిపారు. వర్షాల కారణంగా ప్రజలకు ఎటువంటి ఇబ్బందులు కలగకుండా, ముఖ్యంగా రోడ్లు, డ్రైనేజీలు, బ్రిడ్జిలు సరిచేయాలని, అలాగే, పారిశుద్ధ్య కార్యక్రమాలను నిరంతరం కొనసాగిస్తూ, వ్యాధులు ప్రబలకుండా తగు చర్యలు తీసుకోవాలని సూచించారు.

అనంతరం, జిల్లా కలెక్టర్ అభిలాష అభినవ్, ఇప్పటి వరకు జిల్లాలో నమోదైన వర్షపాతం వివరాలు, ప్రజలకు ఇబ్బందులు కలగకుండా చేపట్టిన చర్యలను మంత్రి శ్రీధర్ బాబుకు వివరించారు.

ఈ సమావేశంలో ఖానాపూర్ ఎమ్మెల్యే వెడ్మా బొజ్జు పటేల్, జిల్లా ఎస్పీ జానకి షర్మిల, అదనపు కలెక్టర్లు ఫైజాన్ అహ్మద్, కిషోర్ కుమార్, డీఆర్వో భుజంగ్ రావు, డీఎస్పీ గంగారెడ్డి, నిర్మల్ మరియు ముదోల్ ఆర్డీవోలు రత్నకళ్యాణి, కోమల్ రెడ్డి, ఇతర అధికారులు, ప్రజాప్రతినిధులు పాల్గొన్నారు.