- టీడీపీ నేత వంగవీటి రాధాకు ఛాతీలో నొప్పి
- విజయవాడలోని ప్రైవేట్ ఆస్పత్రిలో చికిత్స
- వైద్యుల పర్యవేక్షణలో 48 గంటలు ఉండాల్సిందిగా సూచన
- రాధా అభిమానులలో ఆందోళన
టీడీపీ నేత వంగవీటి రాధా స్వల్ప అస్వస్థతకు గురయ్యారు. ఛాతీలో నొప్పితో ఈరోజు ఉదయం ఆయనను విజయవాడ ప్రైవేట్ ఆస్పత్రికి తరలించారు. ప్రస్తుతం ఆయన వైద్యుల పర్యవేక్షణలో ఉన్నారు, ఎలాంటి ఆందోళన అవసరం లేదని వైద్యులు పేర్కొన్నారు.
మాజీ ఎమ్మెల్యే మరియు టీడీపీ నేత వంగవీటి రాధా ఈరోజు తెల్లవారుజామున ఛాతీలో నొప్పి కారణంగా అస్వస్థతకు గురయ్యారు. కుటుంబ సభ్యులు వెంటనే ఆయనను విజయవాడలోని ప్రైవేట్ ఆస్పత్రికి తరలించారు. ప్రస్తుతం వైద్యుల పర్యవేక్షణలో ఉన్న రాధాకు ఎలాంటి ప్రాణహాని లేదని వైద్యులు తెలిపారు. 48 గంటల పాటు ఆయనను పర్యవేక్షించాల్సిన అవసరం ఉందని పేర్కొన్నారు.
ఇదే సమయంలో, వంగవీటి రాధా గుండె పోటుకు గురయ్యారనే వార్తలు వ్యాపించడంతో ఆయన అభిమానులు ఆందోళన వ్యక్తం చేస్తున్నారు. పలువురు అభిమానులు మరియు రాజకీయ నాయకులు రాధా ఆరోగ్యంపై ఆరా తీశారు. టీడీపీ శ్రేణులు, ప్రజలు రాధా త్వరగా కోలుకోవాలని ఆకాంక్షిస్తున్నారు.
