వీర్ బాల్ దివస్, సుపరిపాలన దివస్ కార్యక్రమాల్లో పాల్గొన్న కేంద్ర మంత్రి కిషన్ రెడ్డి

వీర్ బాల్ దివస్, సుపరిపాలన దివస్ కార్యక్రమాల్లో పాల్గొన్న కేంద్ర మంత్రి కిషన్ రెడ్డి
నిర్మల్ జిల్లాలో బీజేపీ నేతలతో కలిసి నివాళులర్పణ

మనోరంజని తెలుగు టైమ్స్ ప్రతినిధి – నిర్మల్, డిసెంబర్ 27:

నిర్మల్ జిల్లాలో వీర్ బాల్ దివస్, సుపరిపాలన దివస్ సందర్భంగా ఘనమైన కార్యక్రమాలు నిర్వహించబడ్డాయి. ఈ కార్యక్రమాలకు కేంద్ర మంత్రి జీ. కిషన్ రెడ్డి ప్రత్యేకంగా విచ్చేసి పాల్గొన్నారు. ఈ సందర్భంగా ఆయనతో పాటు బీజేపీ నేతలు, ఎమ్మెల్యేలు ఏలేటి మహేశ్వర్ రెడ్డి, రామారావు పటేల్, ఎమ్మెల్సీ మల్క కొమురయ్య వీర్ బాల్ దివస్ సందర్భంగా దేశం కోసం ప్రాణాలు అర్పించిన బాల వీరులకు నివాళులు అర్పించారు.
కేంద్ర మంత్రి కిషన్ రెడ్డి మాట్లాడుతూ —
“దేశభక్తి, ధర్మనిష్ఠ, త్యాగం వంటి విలువలను మన తరాలకు పరిచయం చేయడం వీర్ బాల్ దివస్ యొక్క లక్ష్యం. నేటి యువత ఆ వీరబాలుల త్యాగాలను స్ఫూర్తిగా తీసుకోవాలి” అని పేర్కొన్నారు.
అదేవిధంగా సుపరిపాలన దినోత్సవం సందర్భంగా పరిపాలనా వ్యవస్థలో పారదర్శకత, బాధ్యతా స్ఫూర్తి అవసరమని ఆయన అన్నారు.
ఈ కార్యక్రమంలో జిల్లా బీజేపీ అధ్యక్షుడు రితేష్ రాథోడ్, రాష్ట్ర, జిల్లా బీజేపీ నాయకులు, కార్యకర్తలు పెద్ద సంఖ్యలో పాల్గొన్నారు.
కార్యక్రమం అనంతరం కేంద్ర మంత్రి కిషన్ రెడ్డి జిల్లా నాయకులతో సమావేశమై అభివృద్ధి కార్యక్రమాల పురోగతిని సమీక్షించారు.