నిర్మల్‌లో తెలంగాణ రాజ్యాధికార పార్టీ కీలక సమావేశం
మనోరంజని ప్రతినిధి – నిర్మల్, అక్టోబర్ 23, 2025
తెలంగాణ రాజ్యాధికార పార్టీ (తెరాప) నిర్మల్ జిల్లాలో పార్టీ బలోపేతం మరియు సంస్థాగత నిర్మాణం కోసం ముఖ్యమైన సమావేశం నిర్వహిస్తోంది. ఈ సమావేశం గురువారం మధ్యాహ్నం 2:00 గంటలకు నిర్మల్ టీఎన్జీవో భవన్‌లో జరగనుంది.
ఈ సమావేశానికి తెరాప రాష్ట్ర కార్యదర్శి మరియు ఉమ్మడి ఆదిలాబాద్ జిల్లా ఇన్‌చార్జ్ కొమ్ముల ప్రవీణ్ రాజ్ అధ్యక్షత వహించనున్నారు. జిల్లా మరియు నియోజకవర్గ స్థాయిలో కొత్త ఇన్‌చార్జ్‌ల నియామకాలు ఈ సందర్భంగా చేపట్టబడనున్నాయి.
కొమ్ముల ప్రవీణ్ రాజ్ మాట్లాడుతూ, “పార్టీ బలోపేతానికి ప్రతి కార్యకర్త తమ వంతు కృషి చేయాలి. నిర్మల్ జిల్లా నుంచి ప్రజా బలం పెంచి, తెరాపను ప్రజల మధ్యకు తీసుకెళ్లడం లక్ష్యంగా ఈ సమావేశం ఏర్పాటు చేశాం” అని తెలిపారు.
నిర్మల్ జిల్లా తెరాప నాయకుడు గైని సాయి మోహన్ మాట్లాడుతూ, “పార్టీని గ్రామస్థాయి వరకు విస్తరించడం, ప్రజల సమస్యలకు నిజమైన ప్రతినిధులుగా నిలబడటమే మా లక్ష్యం. ఈ సమావేశం ఆ దిశలో ఒక కీలకమైన అడుగు” అని పేర్కొన్నారు.
