ఉత్తమ ఉపాధ్యాయునిగా ప్రకాష్ పటేల్
బైంసా మనోరంజన్ ప్రతినిధి సెప్టెంబర్ 13
భైంసా పట్టణంలోని సంస్కార్ పాఠశాల కరస్పాండెంట్ పర్వజి ప్రకాష్ పటేల్ ఆనందిత ఫౌండేషన్ ఆధ్వర్యంలో ఏర్పాటు చేసిన ఉత్తమ ఉపాధ్యాయులు-2025వ సంవత్సరానికి ఉత్తమ ఉపాధ్యాయ పురస్కారాన్ని పొందడం జరిగింది. ఈ సందర్భంగా ఆనందిత ఫౌండేషన్ చైర్మన్ వాడేకార్ లక్ష్మణ్ మాట్లాడుతూ ప్రకాష్ పటేల్ తన బోధన పటిమతో విద్యార్థులలో అభ్యాసన సామర్ధ్యాలను పెంపొందించడమే కాకుండా పాఠశాలలో విద్యా ప్రమాణాలను పెంచే విధంగా కృషి చేశారని కొనియాడారు. ఈ కార్యక్రమంలో మండల విద్యాధికారి సుభాష్, భైంసా మార్కెట్ కమిటీ చైర్మన్ సిందే ఆనంద్ రావు పటేల్, పిఆర్టియు నాయకులు రమణారావు, ప్రధానోపాధ్యాయులు రాచేవాడ్ గంగా ప్రసాద్, లయన్స్ క్లబ్ సభ్యులు మోహన్ రావు, తదితరులు ఉన్నారు.
