- ముగ్గురు సీనియర్‌ ఐపీఎస్ అధికారులు సస్పెండ్
- ముంబై నటి కాదంబరీ జెత్వానీ అక్రమ అరెస్టు వ్యవహారం
- ప్రభుత్వం జారీ చేసిన సస్పెన్షన్‌ ఉత్తర్వులు
- డీజీపీ నివేదిక ఆధారంగా చర్యలు
ముంబైకి చెందిన సినీ నటి కాదంబరీ జెత్వానీ అక్రమ అరెస్టు కేసులో ముగ్గురు సీనియర్‌ ఐపీఎస్ అధికారులపై సస్పెన్షన్‌ వేటు పడింది. ఇంటెలిజెన్స్‌ మాజీ చీఫ్‌ పీఎస్‌ఆర్ ఆంజనేయులు, ఐపీఎస్ అధికారి విశాల్‌గున్ని, విజయవాడ మాజీ సీపీ కాంతిరాణాలను సస్పెండ్ చేస్తూ ప్రభుత్వం ఉత్తర్వులు జారీ చేసింది.
ముంబైకి చెందిన సినీ నటి కాదంబరీ జెత్వానీ అక్రమ అరెస్టు వ్యవహారంలో ముగ్గురు సీనియర్‌ ఐపీఎస్ అధికారుల ప్రమేయం ఉన్నట్లు వచ్చిన అభియోగాల నేపథ్యంలో రాష్ట్ర ప్రభుత్వం సీరియస్‌ చర్యలు తీసుకుంది. పీఎస్‌ఆర్ ఆంజనేయులు (ఇంటెలిజెన్స్‌ మాజీ చీఫ్‌), ఐపీఎస్ అధికారి విశాల్‌గున్ని, విజయవాడ మాజీ సీపీ కాంతిరాణాలను సస్పెండ్ చేస్తూ ఉత్తర్వులు జారీ చేసింది.
ఈ కేసులో అధికారులపై ఉన్న అభియోగాలు సాక్షులను ప్రభావితం చేయడం, ఆధారాలను ధ్వంసం చేసే ప్రయత్నం చేశారని పేర్కొంది. వీరు అనుమతి లేకుండా హెడ్‌క్వార్టర్స్‌ విడిచి వెళ్లవద్దని ఆదేశించారు.
డీజీపీ నివేదిక ఆధారంగా సస్పెన్షన్‌ ఉత్తర్వులు జారీ చేసినట్లు సీఎస్‌ నీరబ్‌కుమార్‌ ప్రసాద్‌ తెలిపారు. జీఓ నెంబర్లు 1590, 1591, 1592 కాన్ఫిడెన్షియల్‌గా ఉంచాయి.
