- ఉషు రాష్ట్ర స్థాయి పోటీలలో బంగారు పతకం సాధన
- ముధోల్‌కు చెందిన అబ్దుల్ రెహమాన్ విజయం
- ప్రజా ట్రస్ట్ ఆధ్వర్యంలో ఘన సన్మానం
హైదరాబాద్‌లో నిర్వహించిన ఉషు రాష్ట్ర స్థాయి సియం కప్, ఖేలో ఆఫ్ ఇండియా పోటీలలో ముధోల్‌కు చెందిన అబ్దుల్ రెహమాన్ గోల్డ్ మెడల్ సాధించాడు. బైంసాలో భోస్లే మోహన్ రావ్ పటేల్ ప్రజా ట్రస్ట్ ఆధ్వర్యంలో అతనికి ఘన సన్మానం నిర్వహించారు. ట్రస్ట్ ఛైర్మన్ విద్యార్థుల క్రీడా ప్రతిభను ప్రోత్సహిస్తూ, రాబోయే రోజుల్లో అంతర్జాతీయ స్థాయిలో ప్రతినిధ్యం వహించాలని ఆకాంక్షించారు.
భైంసా, జనవరి 4:
హైదరాబాద్‌లో ఇటీవల నిర్వహించిన ఉషు రాష్ట్ర స్థాయి సియం కప్, ఖేలో ఆఫ్ ఇండియా పోటీలలో ముధోల్ మండలం చింతకుంట గ్రామానికి చెందిన ఎస్.కె. బాబు కుమారుడు అబ్దుల్ రెహమాన్ బంగారు పతకం సాధించి గ్రామానికి గౌరవాన్ని తీసుకువచ్చాడు.
ఈ విజయాన్ని పురస్కరించుకుని శనివారం బైంసాలో దారబ్జి జిన్నింగ్ ఫ్యాక్టరీలో భోస్లే మోహన్ రావ్ పటేల్ ప్రజా ట్రస్ట్ ఆధ్వర్యంలో అబ్దుల్ రెహమాన్‌ను ట్రస్ట్ ఛైర్మన్ ఘనంగా సన్మానించారు. ఈ సందర్భంగా ఆయన మాట్లాడుతూ, “విద్యార్థి దశ నుంచే క్రీడల పట్ల ఆసక్తిని పెంపొందించి, గ్రామీణ ప్రాంతాల నుంచి కూడా రాష్ట్ర స్థాయిలో ప్రతిభ చూపడం ప్రశంసనీయం” అని అన్నారు.
ఆయన అభిప్రాయపడుతూ, “ఇలాంటివి యువతను ప్రోత్సహించే దిశగా ప్రభావం చూపుతాయి. రాబోయే రోజుల్లో విద్యార్థులు జాతీయ, అంతర్జాతీయ స్థాయిలో ప్రతిభ చూపించి దేశానికి పేరు తెచ్చుకోవాలని ఆకాంక్షిస్తున్నాం” అన్నారు.
ఈ కార్యక్రమంలో మాజీ ఎంపీపీ సుభాష్ జాదవ్, ఇతర ప్రముఖులు, స్థానికులు పాల్గొన్నారు.
