M4 న్యూస్ (బాసర్ ప్రతినిధి)
నవంబర్ 13, 2024
- కార్తీక మాసంలో గోదావరి నదిలో పుణ్య స్నానం, శివారాధన.
- ఉసిరి చెట్టుకు దీపారాధన పూర్వ జన్మ భాగ్యం.
- శ్రీమతి వాణి మిత్రబృందం ఆధ్వర్యంలో దీపారాధన.
- ఆలయ అర్చకులు వివిధ పూజలు నిర్వహించారు.
కార్తీక మాసం సందర్భంగా బాసర్ లోని గోదావరి నదిలో పుణ్య స్నానాలు చేసి, ఉసిరి చెట్టుకు దీపారాధన నిర్వహించటాన్ని పూర్వ జన్మ భాగ్యం అని శ్రీమతి వాణి మరియు వారి మిత్రబృందం పేర్కొన్నారు. ప్రత్యేకంగా అమ్మవారి ఆలయంలో కుంకుమార్చన పూజలు నిర్వహించబడ్డాయి. ఆలయ అర్చకులు తీర్త ప్రసాదాలు అందించారు.
బాసర్: కార్తీక మాసం పవిత్రమైన మాసం, ఇందులో గోదావరి నదిలో స్నానాలు చేసి, శివుని ఆరాధించి ఉసిరి చెట్టుకు దీపారాధన చేయడం అనేది పూర్వ జన్మ భాగ్యం అని శ్రీమతి వాణి మరియు ఆమె మిత్రబృందం అన్నారు. ఈ రోజు, బుధవారం వేకువ జామున, వారు గోదావరి నదిలో పుణ్య స్నానాలు ఆచరించి, అమ్మవారి ఆలయంలో ప్రత్యేక కుంకుమార్చన పూజలు నిర్వహించారు. అనంతరం, కార్తీక మాసం సందర్భంగా ఉసిరి చెట్టుకు దీపారాధన చేసి, దేవతల ఆశీర్వాదాలు పొందారు. ఆలయ ప్రధాన అర్చకులు సంజీవ్ పూజారి వీరికి అమ్మవారి తీర్త ప్రసాదాలు అందించారు. ఈ కార్యక్రమంలో వ్యాసపురి కన్యకా పరమేశ్వరి ట్రస్ట్ ఇంచార్జి సంతోష్, గణేష్ గాదేవార్ తదితరులు పాల్గొన్నారు.
